香港人,哈哈

龍九州 · 發表於 2016-2-18 16:53:32

本帖最後由龍九州於 2016-2-18 16:53 編輯

千呼萬喚，樂壇天后麥當娜終於會係今晚開騷，由於是為娜姐首次係香港開演唱會，由上年9月消息一傳出已經引起一陣娜姐熱潮，門票開售僅幾分鐘已經賣晒，仲盛傳炒到4千蚊一張㖭。如此矜貴除咗娜姐本身嘅吸引力外，仲有賴一眾名人名媛都搶住話要睇，形成一陣娜姐風，成為城中最熱話題，而且只此一場，如果係圈中名媛，話自己無飛等如話自己無面。

網上討論區就有人話身邊嘅朋友個個都突然愛上娜姐，明明平時睇開K-Pop都跟風話要睇：「我公司班80後同事，個個都好似突然變咗娜姐Fans，明明平日佢哋圍埋都係講BigBang。」有人話自己個90後朋友連一首娜姐嘅歌都唔識，但都照搶飛，成功買到之後即時貼出嚟出Post：「終於等到娜姐喇！」有人分析話鍾意娜姐可以顯出自己有品味：「娜姐嘅形象令人覺得鍾意佢係型、係品味，唔通周圍話自己平時聽Justin Bieber同One Direction咩？」係，真心鍾意娜姐嘅係大有人在，但其實講到尾，亦有好多人只不過要係社交網絡上呃Like，貼幾張演唱會相，以示自己身分地位。如此問題不禁令人反思，究竟係社交媒體上嘅你，係咪真正嘅自己？今晚，大家準備好畀娜姐演唱會洗板未？

香港人,哈哈