智取大市：中國不存在爆煲論

馬仔05

中國唔缺銀紙，但爛賬亦唔少，每次蓋都未冚好，每年就炮製多兩個煲出嚟嘆，2015年就有股權質押、私募基金清盤等等嘅新炸彈出現，10個煲得3個蓋可以收得皮未？答案原來係未。原因係由舊年7月開始，就發現中央唔令金融體系爆煲，可以無所不用其極，大股東想沽貨，唔畀佢沽；私募基金屆清盤線，條線可以亂擺。大陸最強嘅地方，就係賣家聽佢話，買家聽佢話，連債權人都聽佢話，只係債仔先唔聽佢話啫。如果只係債仔唔聽話，就可以叫債權人唔追數住，股東唔沽住，冇人沽、冇人追數，但債可以無限loop、無限放大，所以高登仔期待嘅畫面，等到2016年都未出現。
未來又點，每逢有煲，就搵個蓋冚住，死唔去。然後滿足另一項條件，就係令債權人、買家、賣家繼續聽話，好簡單，由佢哋繼續貪，喺企業、人民口袋裏面打劫，因為佢哋向來係贏家，最討厭係公平，最鍾意嘅係利益。
如此一來，企業就冇晒動力，半死不生，就係新常態。所以中國嘅低潮期，未必短得過90年代日本。H指市賬率可以有幾低？唔知，但喺一個冇爆煲、同時冇希望嘅環境下，半爆煲價嘅0.8倍暫時或許係偏低水平，高過上嚟，上番1倍，中長線博大家信有番希望，去番1.2倍或許係最樂觀情況，所以小弟長遠極唱淡中國經濟，但暫時睇好H股。

siukeung168

Ching 獨道見解, I buy.

wkw1234

回復 馬仔05 #1 的帖子

支爆就到！唔信有支爆的人，就要買多啲支那股票和支那樓！