張秀文無懼寒冬晒巨咪：畀大家溫暖

man36951 · 發表於 2016-1-25 17:11:33

【on.cc東網專訊】藝人張秀文出席商場新年活動，身穿紅色低胸連身短裙我她無懼寒冷天氣，大騷「事業線」及長腿，與現場觀眾玩遊戲，相當吸睛。張秀文表示自己是怕凍之人，已做足禦寒準備：「我有黐暖包，同埋好彩喺室內進行活動，加上冇預過氣溫驟降，但畀到大家視覺上溫暖，都係我嘅榮幸。」

恨做live show司儀
張秀文又透露新年會在工作中度過：「希望開心搵多啲錢，而願望就想身邊嘅人都身體健康，同希望可以喺工作上有更多挑戰及突破。（例如呢？）我未做過live show嘅司儀，好想試吓，唔一定要頒獎典禮，遊戲節目都好。（只想做司儀？）劇都有興趣，但真係好少拍，有得參與已經好開心，好似近排拍緊《使徒行者》電影版，見到張家輝、古天樂等等，有份拍已經係一個大里程碑，唔需要做咩大角色。」

唔覺有追求者
問到情人節將如何度過？張秀文表示自己單身，預計當天要工作，同時亦感覺不到自己有任何追求者：「可能佢哋要出多啲力畀我知道啦，唔覺追緊。（冇合你眼緣嘅人？）冇呀，可能我太專注係工作上，我諗喺工作上衝刺多2至3年先，但我都期待愛情嘅，不過冇話好落力去搵，一切隨緣啦，有時太緊張太落力就未必有。（有冇咩擇偶條件？）要有幽默感，唔需要高大、靚仔，有係bonus，我重視兩個人相處多啲，希望大家可以互相氹大家開心。」