10種搭飛機討厭‭ ‬六成人最憎人地挨後機椅

GIRLAV · 發表於 2016-1-23 23:31:29

本帖最後由 GIRLAV 於 2016-1-24 11:23 編輯

搭飛機實會遇到啲「奇人異士」，做啲騎呢嘢，都唔知笑定喊好？坊間都有唔少人寫過搭飛機乞人憎行為，不外乎機上飲醉酒或嘈喧巴閉嘅BB，今次英國倫敦城市機場透過訪問旅客，綜合咗10種搭飛機最乞人憎行為，今次結果比較著重細節，機場發言人話，以下好多都喺小事，大家只要互相體諒，禮貌對待，一樣可以有愉快嘅旅程。你有冇遇過，甚至做過呢？

第十位︰食玻璃大擋窗口
萬尺高空嘅風景，唔喺成日睇到。但有啲人就會成塊面痴住個窗口咁睇風景，其他人真喺咩都冇得睇。不過，通常你禮貌出聲，人哋都會借借，開心share個靚景嘅，所以得19%嘅旅客憎呢種行為。

第九位︰扯火鬧人
有啲人脾氣暴躁，喺公眾場所嘅飛機上面，都會扯晒火咁狂鬧人，或者有啲父母就大大聲咁教訓仔女，要教訓人就番屋企先教啦，通常空姐都會上前勸解，所以只有24%嘅人討厭呢種行為。

第八位︰腳攝櫈罅
後座乘客遞高對腳，攝喺櫈罅度，甚至過份到掠到你嘅膀頭，污糟兼要聞臭腳，呢啲真喺唔會理人感受，但點解得33%人憎呢種行為‭?‬

第七位︰經常開行李櫃
如果坐走廊位，又遇著有人三番四次咁開你頭頂嘅行李櫃，喺咁拎野，都真喺幾煩，難怪有34%人討厭。

第六位︰衝出機門趕去入境
有40%人討厭呢類人，安全帶都未解開，就有人衝出去機門，可能撞到人都唔理。

第五位︰大大聲講嘢
對於喺機艙內大大聲講嘢，小編感到有啲意外。因為呢個行為真喺好乞人憎，有啲乞人憎到大大聲咁同隔咗10個位坐嘅朋友講嘢，你哋講咩，其他人唔想知。

第四位︰攜帶大件手提行李
49%嘅人唔鍾意有乘客攜帶大件手提行李上機。話明手提行李就應該喺細細件，但有人就會成個喼都拎上機，雖然都要規定擺喺櫈底或頭頂，但上機落機果下真喺好阻訂。

第三位︰被新手空姐粗魯對待
機艙服務員有時真喺唔夠專業，有53%人都覺得，被新手空姐粗魯對待，有時連「多謝」、「唔該」嘅基本禮都唔識。

第二位︰扶手位被人霸住
有成55%人都討厭個扶手位被人霸住。不過，機椅設計好多時，位與位之間只有一個扶手位，咁究竟喺比邊個用嫁呢‭?‬

第一位︰機椅挨後，挨到幾乎壓住你對腳
63%嘅人都話呢個行為乞人憎。小編表示：好多人都挨後坐，舒服好多嫁喎，咁都唔得‭?‬唔喺唔得，機椅設計本身都預咗比人挨後，只不過，唔好太過份，挨得太盡姐。