日本體壇H Cup大發現呀

man36951 · 發表於 2015-12-25 13:27:25

今年香港嘅聖誕熱到癲，日本體壇一樣熱辣辣，皆因宅男至愛嘅H Cup女神筧美和子，已經落實會喺12月27號，現身名古屋嘅中京競馬場擔任有馬紀念賽事嘉賓，之前美和子試過幫日本國家隊宣傳，為贊助商送朱古力畀大學棒球選手，拍過以水球做主題嘅電視劇，又做過泡泡跑特命公關大使，簡直玩盡東瀛體育界咁款！

21歲嘅筧美和子被日本雜誌選為新一代「4,000年一遇美女」，覺得佢除咗外型清純，仲有H Cup無敵身材，足夠令所有巴打繳械投降，加上佢春青又有活力，好多同體育有關嘅節目同活動，都會邀請佢幫手，例如緊接舉行嘅日本競馬重量級賽事有馬紀念，就搵咗美和子做嘉賓啦！

或者大家會覺得，美和子個樣萌萌笨笨運動神經唔慌好，好難做體育女神，但佢勝在有巴打支持，曾經喺雜誌影相幫日本國家隊宣傳，代表贊助商送朱古力畀大學棒球人氣選手，又喺日劇《水球不良少年》中，水著上陣扮演水球選手，就連全球性長跑賽事泡泡跑日本站，都搵美和子做特命公關大使，絕對係日本體壇H Cup大發現，鍾意體育實到佢。