新聞女朗黃可盈 Flávia Wong

man36951 · 發表於 2015-12-20 15:26:55

黃可盈 Flávia Wong

浸大傳理・國際新聞系 Yr.3
Flavia都覺得記者呢行，出路窄兼人工唔高：「我有好多同學讀傳理一樣好有使命感，不過佢哋覺得𠵱家求其拍條片都幾萬人睇，所以有啲都轉去網絡、數碼方面嘅傳媒工作，但我仲想堅持，想試吓做記者。」

Flavia屋企人甚少睇大台劇集，電視只會狂 loop新聞台，所以 Flavia都承認有少少潛移默化：「啲新聞可能一晚睇幾次，慢慢開始覺得記者好型，可以第一身去接觸單新聞再報導出嚟，好有挑戰性。」

162cm高的 Flavia笑言自己係 sunshine girl，不怕曬黑，鍾意同陽光玩遊戲！曬得一身健康古銅色，騷埋長腿，幾健康！

Flavia形象陽光，所以唔少婚紗店都愛搵佢兼職做模特兒拍婚紗硬照，不過她成日曬搞到皮膚黑，所以自嘲係「黑新娘」喎！記者行頭愈來愈窄， Flavia話：「睇見都心痛」，不過就一定會堅持「圓夢」，大家記得捕實電視睇靚女記者喇！

電視台主播是非多、新聞又要「河蟹」，做紙媒更加係夕陽工業。讀浸大傳理國際新聞系 Yr.3嘅黃可盈（ Flavia）卻偏偏夢想成為記者，全因由細到大的情意結。讀得浸大神科傳理系，成績當然有番咁上下，不過 Flavia係從副學士升上 degree，每年有近百副學士生爭上學士，但只得 3、 4個名額：「由細到大都想做記者，咁梗係想讀傳理啦，但自己 DSE考 20分，唔夠升大學，咪惟有讀副學士！嗰陣同自己講過一定要升上 degree。奮鬥咗兩年，今年終於以 GPA3.54嘅成績入番浸大傳理系，學校收我嗰一刻真係好開心！」

以自己故事勉勵今屆 DSE考生：「讀副學士唔代表失敗，最緊要你用咩心態去讀，𠵱家回望，其實 DSE只係人生其中一樣小事！」

Flavia係孝順女，由於爸爸長期喺內地工作，所以讀大學都冇諗過住hall，
怕屋企得媽媽一個會悶親。