[轉貼]通用鈉離子電池面世平靚正過鋰電池？

Chickworm619 · 發表於 2015-12-11 15:51:59

鋰離子電池現已被各式電子產品廣泛使用，小至智能手錶、手機，大至電動車均一致採用，但隨住鋰礦資源不斷消耗，成本亦水漲船高。法國一班科學家最近成功將鈉離子（Sodium-ion）電池技術改良，研製出「業界通用版本」，有望喺未來成為替代品。
鈉離子電池其實早已存在，不過由於比鋰電池重，加上效能偏低，對流動裝置可謂大忌。但以地球蘊含量嚟講，鈉就大幅拋離對手，含量超過2.6%，提煉方法亦較簡單。法國六間實驗室合作研發嘅鈉離子電池，喺重量上仍有進步空間，效能卻比以前提高唔少，能量密度為90Wh/kg，開始貼近早期嘅鋰電池。與此同時，該電池以18650規格製造，為鈉離子電池首次。18650電池普遍用於手提電腦，以及Tesla Model S電動車等裝置，相信團隊繼續研究下去，我哋將來就唔使再捱貴電喇。