不忍內戰來港尋生機抗戰老兵獲三地肯定功績

sadsam169 · 發表於 2015-12-11 15:38:14

本帖最後由 sadsam169 於 2015-12-11 16:24 編輯

年屆九十的黃樹開﹙開叔﹚，雙臂粗壯有力。他出身勞動階層，十七歲在廣東韶關的華英中學當校工，時值一九四三年，抗日戰爭打了六年，廣州、香港相繼淪陷，國民政府呼召知識青年從軍，開叔滿腔愛國情懷，學歷卻不符資格，後來在學生鼓勵下，他硬着頭皮自薦，「我同教務主任講，後來校長幫我寫信，話有個校工想當兵，軍事局就破格批准，令我可以同華英嘅學生一齊參軍。」

俘虜三日軍立功

　　中國遠征軍深入緬甸作戰，力保後方補給線，開叔遭日軍偷襲受傷，「日本仔趁夜晚截斷前線嘅通訊線，我地修復時發現敵人，趴低再起身時對方即刻開槍」，開叔左腳不幸中槍，要留醫半個月。後來，開叔在另一次修復行動俘虜三名日軍，立下軍功，「我地用日文叫佢地投降，佢地可能已經好累，所以好快棄械」，消息傳開後，開叔獲同袍稱頌。

　　談及軍旅生活，開叔雙眼發光，當年情景歷歷在目，但緊接的內戰，令他灰心求去，「起初回國，軍人好受歡迎，但幾年後老百姓嘅態度已經唔同左」，當時國共內戰激烈，開叔坦言：「唔想自己人打自己人」，遂辭去軍職返回廣州的家鄉，那是四八年，開叔跟隨逃避戰亂的移民潮來港；翌年，解放軍戰勝解放廣州。

　　香港重光不久，百廢待興，開叔當過兵又年輕力壯，泥工、保安員都做過，後來考入警隊，「其實我當過兵，唔係咁想考警察，始終係幫英國人打工，但為生活無辦法」，開叔在水警邊做邊學，努力掙錢養家，「我好多謝當年華英嘅學生，勉勵我學習專業技能」，他在職時考獲多個車牌、船牌，表現獲指揮官讚賞。

　　開叔有三子兩女，四個孫兒，本來他將從軍的經歷藏於心裏，即使回鄉亦不願多談，怕動輒得咎。適逢抗戰七十周年，同鄉流傳他的事跡，竟引來傳媒登門採訪，「同鄉叫我唔使驚，今時唔同往日，政府現在好重視抗戰老兵，佢地聽到我係遠征軍，眼神閃閃發光。」今年九月，中共中央、香港民政局、台灣分別向他頒贈紀念章，開叔在抗日戰爭上的功績，才正式獲肯定。

補充內容 (2015-12-11 12:50):
香港民玍內戰都圢了好幾年了，唔知幾時圢完。。。。