跑步規定與別不同 九龍灣運動場秩序混亂

F1D1S1

新聞
跑步規定與別不同　九龍灣運動場秩序混亂
11月16日(一) 19:10   

九龍灣運動場內不少快跑人士跑內圈，未有跟從康文署訂立的守則。
【on.cc東網專訊】「話明係緩步跑時段，但場內好多人都係嚟練快跑嘅，又唔遵守規則，成大班人左穿右插亂咁嚟，早排我就畀個喺跑道上面逆線跑嘅人迎面撞跌！」鄺先生表示，經常到九龍灣運動場在緩步跑時段緩步，惟發現該處常有多個團體帶同大量跑手到場練跑，快跑之餘亦漠視場地規則，「呢個場好多老人家同細路過嚟，志在行吓做吓運動，但好多時成個場都係跑（步）會嘅人，一大班就係咁衝，職員又唔幫手維持秩序，好易發生意外！」

康樂及文化事務署發言人表示，該署轄下運動場如沒有被租用，會開放跑道給公眾作緩跑，而團體則可租用運動場作田徑訓練。發言人證實，過去一年在九龍灣運動場共接獲兩宗緩跑人士碰撞致受傷的個案及三宗相關投訴，而公眾人士在緩跑時需遵守使用守則，包括應循逆時針方向而行，而慢跑者應使用內圈，快跑者則應使用外圈。發言人又指，場地職員如發現有人妨礙他人會即時勸止，該署亦會繼續留意以上情況，並安排職員加強巡視。

不過，記者日前到場了解，發現場內大部分人士均未有遵守相關規定。場內快跑者並沒使用外圈，反而多跑內線，慢跑者則跑出外圈避開快跑人士，期間不時有人逆線而行及橫過跑道。而多個疑為團體教練的人士各自帶領跑手熱身，及催促跑手於限時之內「跑快啲」，惟跑道邊並未見有職員在旁巡查或阻止。此外，運動場入口雖貼出緩跑守則，惟告示尺寸太小又未貼於當眼處，令人難以察覺。

香港浸會大學體育系副教授雷雄德直指，康文署於緩步跑時段制訂的守則與一般跑步規則有異，「通常我哋跑快嘅都會跑內圈，因為要計時，如果跑外圈個距離會長咗。」雷認為康文署需加強溝通及管理，令使用者清晰知道有關守則，「場入面有成幾百人，職員好難逐個捉出嚟。其實知道大家都唔會望張咁細嘅守則，可以精簡啲做番重點提示。」雷又指知悉近年有很多長跑組織出現，因人數甚多，或對其他使用者造成影響，亦認為時值跑步季節，跑道上人多而發生碰撞在所難免，「最重要係各使用者都互相尊重同守規則，令到大家都可以平等同和諧咁使用設施！」

HKOXSEX

咁多不理規則之人

271lee

回復 F1D1S1 #1 的帖子

通常我哋跑快嘅都會跑內圈，因為要計時，如果跑外圈個距離會長咗

但系康文從來刀冇呢方面嘅教育同協調, 連逆時針跑刀冇規定 !
點樣系跑手禮貌, 常規(如跑左面, 要過人就跑右)  等,  完全漠視 !
誰之過 ?

kingkong_hk

「呢個場好多老人家同細路過嚟，志在行吓做吓運動，但好多時成個場都係跑（步）會嘅人，一大班就係咁衝，職員又唔幫手維持秩序，好易發生意外！」

=====================================

點解出來行下運動下唔去泳池, 之後投訴游水人快過佢地?

跑道跑步好合理

build.gates

回復 kingkong_hk #4 的帖子

你睇晒成段先啦....師父....
"鄺先生表示，經常到九龍灣運動場在緩步跑時段緩步，惟發現該處常有多個團體帶同大量跑手到場練跑，快跑之餘亦漠視場地規則，「呢個場好多老人家同細路過嚟，志在行吓做吓運動，但好多時成個場都係跑（步）會嘅人，一大班就係咁衝，職員又唔幫手維持秩序，好易發生意外！」"

kingkong_hk

build.gates 發表於 2015-11-18 13:39
回復 kingkong_hk #4 的帖子

你睇晒成段先啦....師父....

何謂快?

30分鐘10k, 定9秒9跑100米， 定時速20km?

快係相對， 人人唔同， 志在去行下果d其實唔1定得跑道可以選擇， 公園或行人路都得

但快跑人除左去跑道可以快同安全，冇乜其他選擇

build.gates

只要你係撞倒其他人, 你就係快,
唔好同我講埋晒呢D廢話, 既然果D跑會係要霸晒全部跑道作練習用途, 就死去同運動場申請BOOK場練習,
唔好喺度霸呢樣霸果樣之後話人地阻住佢地練習計時, 既然係人人都入得去嘅地方就唔好當自己大晒,
既然係緩步跑時段, 就算你係跑奧運嘅都唔可以跑得快, 更加要守場內規則,
呢D 係一個智商正常嘅人都應該明白嘅事~
果D乜春跑會咪又係諗住唔駛錢喺公共地方練習!?
既然佢地係有組織嘅團體, 點解唔自己死去BOOK 場練習??
有團體背景係唔係大晒先??  佢地當自己係跑會定黑社會先??
跑會就死去BOOK場做練習, 社黑會就唔駛跑喇, 返差館先講啦~

巴魯坦星人

kingkong_hk 發表於 2015-11-18 13:28
「呢個場好多老人家同細路過嚟，志在行吓做吓運動，但好多時成個場都係跑（步）會嘅人，一大班就係咁衝，職 ...

我自己都會去跑步.....  所以明你想咩....

我小區同時有緩跑徑 x 1, 緩步徑 x 1, 跑步徑 x1 ., 同運動場跑步徑.x 1....  

但係人都係集中係運動場跑步, 緩跑, 緩步

巴魯坦星人

271lee 發表於 2015-11-18 11:47
回復 F1D1S1 #1 的帖子

通常我哋跑快嘅都會跑內圈，因為要計時，如果跑外圈個距離會長咗

誰之過 ?
就以我個小區為例:
緩跑徑, 係有指示, 係順時針.  但係一般就係有人順, 都有人逆
運動場, 緩步徑, 跑步徑 都係無指示... 都係有順有逆

kingkong_hk

build.gates 發表於 2015-11-18 16:11
只要你係撞倒其他人, 你就係快,
唔好同我講埋晒呢D廢話, 既然果D跑會係要霸晒全部跑道作練習用途, 就死去同 ...

掉返轉角度, 係唔係普通行下做下運動大晒, 可以霸住個場來用, 跑得快就要去申請批文先?

其實D場來來去去都係果堆人, 應該自然會發展出潛規則

build.gates

回復 kingkong_hk #10 的帖子

會場有會場嘅規則, 你地自己話D咩潛規則係你地嘅事, 唔守規舉就係你唔啱~
呢一點師兄一定要明白~
你揸住架車喺慢線踩住油撞埋人地架車度, 唔通你話人地架車行得慢, 平時架架車都喺呢條線行得快, 所以係人地唔啱咩??
法庭打左咁多年官師, 係唔係應該自然發展一套潛規則, 而唔駛理其他法律條文??

kingkong_hk

回復 build.gates #11 的帖子

大家唔就大家, 不如完全白紙黑字寫死晒D條款佢, 咁做法所有使用者都冇著數

去做運動有爭拗我估唔須要立法, 要法院判咁嚴重, 只要雙方平衡就冇問題, 有灰色地帶反而有走盞

build.gates

回復 kingkong_hk #12 的帖子

人地一早就白紙黑字寫晒D條款~
問題係而家果班所謂跑會嘅人唔守規舉~

kingkong_hk

build.gates 發表於 2015-11-19 13:41
回復 kingkong_hk #12 的帖子

人地一早就白紙黑字寫晒D條款~

而家未算死, 都未立法會立法