請問一下中港牌 (如果唔岩區, 請移去合適版)

rickyno173173

各位CHING, 我想問下關於中港牌. 我係自用既, 問左D搞中港牌既公司, 佢地話無"中港牌", 反而有"港中牌" 現牌現車. 唔知有無咩唔好. 所以想問下大家.


以下理解o岩唔o岩?
中港牌 (香港車掛大陸牌): 我知道可以做到, 深圳灣好似做緊80萬左右?
港中牌 (大陸車掛香港牌): 據我所知, 好似只有中國政府或人大先可以有呢種牌. 中介公司話係深圳車掛香港牌, 係公司牌而唔係政府或人大牌, 中港公司都可以轉我名.

想問下有無伏?



版主, 如果我PO呢度唔岩, 請幫手移去岩既區, THX!

Takwa

中伏機會非常高

macmak.

香港人一直叫中港牌其實大6叫粵港牌，因為個牌只容許在廣東省行駛。
香港牌車掛埋大6牌只限公司名義申請同擁有，所以買賣哩個牌只需做所屬公司嘅股份轉讓，不過要香港公司同大6掛靠公司一齊過名
目前行情係行深圳灣係百一萬人仔樓下，好少有八十幾萬咁平，其他口岸就仲貴，行皇崗叫價係百五萬。
大6車掛埋香港牌是只有FV或FU，或者解放軍車牌ZG，理論上只應政府部門或半官方嘅公司所擁有，但以前習總未上台，揾錢係各師各法，所以有FV同FU留落民間，所以哩種牌亦有在市場流通，價錢低好多，價錢大概八十萬人仔樓下，雖則半官方公司嘅持法人一樣可以變換，但政策一變哩個牌就只是白紙一張，哩種牌除左有特別批文外，大部分只容許每周到港出入境一次。亦是最高危嘅買賣……
希望以上資料幫到你。

rickyno173173

回復 macmak. #3 的帖子

大6車掛埋香港牌是只有FV或FU，或者解放軍車牌ZG，理論上只應政府部門或半官方嘅公司所擁有，但以前習總未上台，揾錢係各師各法，所以有FV同FU留落民間，所以哩種牌亦有在市場流通，價錢低好多，價錢大概八十萬人仔樓下，雖則半官方公司嘅持法人一樣可以變換，但政策一變哩個牌就只是白紙一張，哩種牌除左有特別批文外，大部分只容許每周到港出入境一次。亦是最高危嘅買賣……
希望以上資料幫到你。



大陸車呢段真係幫到我~!唔該曬你~  我唔會諗FV/FU牌了~

chen520kenneth

香港車掛中港牌唔只80萬~~~仲係有分 既
皇崗牌只限皇崗可以走,定下被炒至120萬人民幣
深圳灣同沙頭角就平20萬.估計90-100人民幣
你要問清楚.個牌有分既就算買左都要年審.除左小數既中港牌係好早前買斷左,意唔係現有深圳既公司幫手做年審~~大陸牌都可以掛中港牌.但麻煩好多~~
中港牌可以租. 12000人民幣一個月
大陸車租中港牌好似一個月 8000人民幣

chiangch

macmak. 發表於 2015-9-22 21:02
香港人一直叫中港牌其實大6叫粵港牌，因為個牌只容許在廣東省行駛。
香港牌車掛埋大6牌只限公司名義申請同 ...

師兄，請讓小弟賜酒！困擾咗我十 N年嘅 FV FU牌問題，師兄嘅答案係最最合理！

當年首見這種藍牌後，我見人都問，但冇乜人可以答得全部。

連當時做新界北交通嘅舊同學，都講得不清不楚。

再想請教師兄，國家、省級、深圳市公務車，我理解。但什麼才是半官方公司，當年或現時，係點樣介定？例如，邊間係指定的半官方機構？

謝謝！

macmak.

chiangch 發表於 2015-9-23 22:56
師兄，請讓小弟賜酒！困擾咗我十 N年嘅 FV FU牌問題，師兄嘅答案係最最合理！

當年首見這種藍牌後，我見 ...

半官方機構即係間國營公司原本百分百係阿爺嘅, 後來開革開放, 部分經營不善嘅公司要股份改造,
引入私人股本繼續經營成為公私合營, 所以擁有FU同FV牌嘅公司差唔多變成私人股份嘅大股東持有,
因為公司股份係可以轉讓嘅, 只要成為哩間公司嘅大股東, 就變相擁有咗個FU或FV牌
特别现時中央三申五令唔準政府營商, 好多哩種公司已經成為百分百私營公司, 公司一𨍭讓, 個牌嘅使用者咪可以變更囉

leo55555

回復 rickyno173173 #1 的帖子

FU/FV牌另一個特點因為係國內公司申請所以係左軚，中港牌因為係香港車申請所以係右軚，呢點師兄都需要留意。

rickyno173173

回復 chen520kenneth #5 的帖子

唔該曬CHING!


其實我5-6年前都有問過下, 差D買左, 果時40個人仔.....唉......早知當日.....

rickyno173173

回復 macmak. #7 的帖子

咁CHING又容許我再問下.

所以好似macmak. CHING咁講, 講唔定幾時政策一改, FU牌就PK?

rickyno173173

回復 leo55555 #8 的帖子

明白, 明白, 呢個當然.

我本身都係大陸做野. 都開左8-9年車了 (大陸車), 所以唔會唔習慣~

chen520kenneth

回復 rickyno173173 #9 的帖子

果時買左你就發..租比人三年幾都番本了

rickyno173173

回復 chen520kenneth #12 的帖子

係呀~不過就算當時買左, 都唔會租俾人, 唔知D人會唔會做麻煩野, 到時就搞到我....