湯家驊話泛民「批鬥式政治文化」你認唔認同？

竹林柒賢 · 發表於 2015-6-17 11:22:26

公民黨立法會議員湯家驊最近接受電台訪問時，成立智庫並非要打壓或排斥其他泛民，但質疑如果泛民在思維上不作適當調整，繼續堅持「批鬥式政治文化」，香港民主找到出路嘅機會相當低，「這種模式，經過二三十年，爭取至今時今日一事無成，已經是要跳出框架最大的誘因，要從另一角度想問題。」
其實經常了解政治新聞嘅人都知，湯家驊呢幾年可以話系泛民中嘅一個「異類」，佢在好多政策、問題上嘅立場同泛民、公民黨都有好大分歧，佢同梁家傑等人嘅矛盾甚至已經公開化，比如梁家傑當時暗諷湯家驊等支持公民提名以外嘅方案好似「拍膊頭」，雖然梁事後道歉，但心結已成。其實呢個就係泛民典型嘅「批鬥式政治文化」，好多重要議題都講要「捆綁」，一D唔同嘅聲音都會俾其他人攻擊。好似今次政改方案表決，一班泛民議員多次公開聯署聲明話否決，依家邊個泛民議員夠膽話唔否決？

其實泛民應該自己反省下，講民主就要容許唔同嘅聲音存在，雖然唔一定認同，但呢個就叫做民主，如果凡事都講捆綁，我真係對泛民未來嘅發展感到悲觀。