政改過唔到先至令香港得不償失政改

titiiii · 發表於 2015-6-15 12:06:45

表決進入倒數，政務司司長林鄭月娥接受訪問時亦都明言對泛民醫院嘅遊說徒勞無功，政改通過機會渺茫。如果今次政改遭到否決，上屆政府爭取返來嘅普選時間表同路線表都將全數失效。原地踏步都唔單止，簡直就系退步，相信下屆政府重啟政改亦都有難度。
泛民話齋，市民明白通過方案令港得不償失，但系事實真系咁乜？睇怕唔系。政改過唔到，先至令香港得不償失，民主發展簡直就喺度原地踏步。今次過唔到，至少十年內香港都好難再有機會普選特首。泛民攞呢排中大、港大同理大合作進行嘅特首普選滾動民調來講嘢，繼支持與反對民意打成平手，最新數據更首度出現「黃金交叉」，反對率升至43%，而支持率下跌至41.7%。泛民指民意如此，相信市民好明白通過方案只會為中央欽點嘅特首提供假認受性。
但家下嘅呢啲民調都冇乜意思，社會上嘅政改民調都唔止一個，民調問題唔一樣就會得到唔同嘅答案。攞一個民調嘅支持率同反對率來話事，未免都太過草率。袋住先，會唔會袋一世就唔知，但系唔袋住先，香港就實冇咁快再有機會普選特首喇，政制發展可能都會停滯。香港社會會否就此休停，轉而重視經濟民生，都系一個好大嘅問題。大家咁醒目，相信自己心中都有數，唔會做出錯誤嘅選擇嘅，我哋香港人實得嘅。
[img=388,525]