長遭囚禁動物舉動異常

henry69 · 發表於 2015-5-12 03:48:06

本帖最後由 henry69 於 2015-5-12 03:50 編輯

己所不欲，勿施於人

http://orientaldaily.on.cc/cnt/news/20150511/00176_002.html

長遭囚禁動物舉動異常

【本報訊】香港動植物公園自七十年代起至今也沒有改善園內動物的福利，包括用大鐵籠「監禁」猩猩、住宿與野外環境相差甚遠。關注動物組織負責人批評，動植物公園差劣的環境設施，直接導致園內的婆羅洲猩猩、猴子產生異常舉動，包括不斷重複同一動作、拔身體上的毛髮等，或會令動物患上心理疾病，惡劣環境亦顯示當局缺乏動物認知，有欠道義，「班動物就好似喺第三世界國家生活咁。」

「設計無模擬野生環境」

愛護動物協會研究及發展主任何書平指出，與已發展國家的動物園比較，動植物公園的動物居住環境惡劣，婆羅洲猩猩、猴子群居在大鐵籠內，「無嘢隔開佢哋，設計亦無模擬野生環境，同坐監無分別。」現場所見，不少動物如紅臉黑猿、婆羅洲猩猩等均蜷曲身子屈在一角，或者拿麻包袋蓋着自己，有時則雙手抓籠，似是想逃出籠外，狀甚抑鬱。

狀況冇改善康署捱批

何書平說動物屈在狹窄的地方，每日無事可幹，定時有人餵食，長遠精神會出現毛病，批評港府一直將動物的福利置之不理，「點解連將啲嘢食收埋喺唔同地方，等動物可以郁動下、搵吓，都唔願意構思？」何亦轟當局僅在動物籠前放幾塊展板作介紹，欠缺真正教育功能，「小朋友行完公園，往往只係識講『睇完猩猩』，問佢哋學到咩？知唔知動物嘅來源地、背景？往往乜都唔知。」

動物亞洲（Animals Asia）負責人Karina更指，園內的婆羅洲猩猩長年不動如山，直接餵食政策令牠們癡肥，臉上毫無表情，「明顯係好沉悶，唔開心。」何書平指出，康文署曾經多次指會改善園內設施，卻並未有一次付諸行動，「希望今次佢地係認真，唔係得個拖字啦。」