以為有咗點知有病蔣雅文被驗出患多囊卵巢綜合症

leungping23 · 發表於 2015-2-9 10:28:34

呢D真係"多卵事"

各位女士真係要留意啦！話說之前趙學而去做身體檢查，點知就驗出咗有子宮肌瘤，重要大過個網球，好在發現得早，可以即刻做手術，依家無事。

而依家32歲嘅高登女神蔣雅文(Mandy)啱啱先係元旦日報喜話已經同鬍鬚仔男友結咗婚。由於當時佢係註咗冊先同屋企人講，就有人估佢哋係奉B成婚。原來當時都真係以為自己有咗，因為當時生痘痘、皮膚變差、發胖，情緒起伏大，生理周期亂七八糟，體重又無故增加，所有徵狀都係大肚先會有。

點知Mandy一去咗檢查先發現大件事，原來係患上多囊卵巢綜合症。唔知係咩嚟？蔣雅文都有解釋架：「多囊卵巢綜合症，會冒痘，會變胖，會出現部份更年期症狀，受孕機率不高，而我還懷疑自己要當媽了。說來反叛，原本對小孩很平常心的我，上天給了我這難度，這下子我倒想爭取了。幸好聰明如我及早發現，現正服藥控制中，身體和生理狀況也在好轉中。」除咗好難生仔之外，呢個病仲會增加患上慢性疾病風險。如果患者有中央肥胖，同時又有高血壓同高血脂症，那患者患上心血管病、糖尿病、子宮癌同卵巢癌嘅風險就會大增。

好在蔣雅文個老公夠錫佢，令到Mandy都要留言俾全世界話:「品客先生無怨無悔的承受了我不少壞脾氣，情緒起伏大折磨著我也折磨著他，但他總是笑嘻嘻的說一切都會過去的。事實上每一個當下我也討厭著自己，現在總算找到原因了。」仲應承老公話：「為了他也為了自己，我會好好把身體養回來的，希望在兩年內可以回復好狀態，成功蹦出一個小品客。」

[img=NaN,702]https://s1.yimg.com/bt/api/res/1.2/GPtFHaLzSshVDUwKxscgVw--/YXBwaWQ9eW5ld3M7cT04NTt3PTYzMA--/http://l.yimg.com/os/publish-images/omg/2015-02-09/d72ea380-afef-11e4-939e-69b9e11be15f_Screen-Shot-2015-02-09-at-12-45-57-am.png[/img]

我哋都等緊你快啲可以生個品客仔，到時再恭喜妳呀！各位都要記住留意身體，定時做身體檢查呀！