女生裁判的尷尬

man36951

想了很久，究竟要不要將過去周末發生的一件非常尷尬事情在個人專欄分享分享，因為擔心讀者看完覺得很核突，但筆者的確是個女生，當千真萬確遇上這個情況時，男人了解一下又無妨啊！再者，看得這個專欄，都知道主角發生的事一定跟男人面對的情況有異，人體結構的問題，真的帶來很多不便。
撰文：羅碧芝｜國際女子足球裁判

話說星期日下午執法一場初級聯賽盃，開賽前一切正常，仲覺得自己狀態好fit！豈料一響哨子，心想：「大鑊！」，筆者一直有記住生理周期來配合體能訓練，計極都唔會做球證呢日有親戚到訪。半場一完即時衝入洗手間，無錯，六合彩唔見我中，一派彩個下，成個心離到跳上天花板！誰可救救我啊？！我拍檔、導師及兩個球場上球員全是男人，快要抓狂時想起了簽到處的嬸嬸們，一絲希望被嬸嬸的回答秒殺：「唉喲阿妹，我哋老啦，無呢啲嘢！你用紙巾啦！」，我快要暈了，時間無多，跑上看台搜尋，終於有兩名靚女出手相救，在此要感激她們救命之恩，祝福你支持的球隊場場大勝。

做好安全措施後，個人終於定一定，繼續執法。突然間，個肚痛到喊，好似有一千個曹星如不停出拳。忍到80多分鐘，球證小姐吹罰，不過舉錯方向，全場嘩然，暈暈地即刻改正方向，讓正確一方處理自由球。好不容易捱到完場，真係有想死的感覺，這種經歷男人永遠唔會明，過程中的恐懼，曾經有一刻諗：「如果真係用紙巾，萬一跌出來，我成世點見人？但如果無啦啦大髀內側流血咪仲恐怖！」。嘩，呢單嘢真係嚇到暈暈地，所以話，男士們在特別的日子要多點遷就身邊女士。我唔會話你知球證小姐何時會較特別，不過如果有風度的話，比賽遇到我就遷就下啦，哈哈！

M❤J

支持羅碧芝女裁判!!!

ivanhui886

期待有多d靚女球證!!

美國隊長2

多一個觀賞黠

killller

期待有多d靚女球證!!

ben20121991

真係要專重女性

edmundkkfung

回復 M❤J #2 的帖子

agree brother .

FromHeaven

得佢一個？如果真係有事轉做邊材都好過死頂
我見猶憐

ytsnet3123

下次實識得帶定包後備

ikooo

回復 man36951 #1 的帖子

，

1. 這種經歷男人永遠唔會明，過程中的恐懼，

複製代碼

的確如此！

partimehitman

呢條女後推一流