點解要有真普選？假普選危害的大家生活.

iamboyboy

以上影片乃youtube提供,與本站無關; 若無法觀看,可查看原網址。

人人都話選特首好重要，咁特首點解咁重要先？我有我嘅生活，佢有佢嘅忙碌！
原來唔係架喎！特首個「特」字，唔只係代表特區，仲代表特權！特首有咁多特權，同你同­我都息息相關，都咪話唔關你事！

海洋之心

棠哥好野!

iamboyboy

海洋之心 發表於 2014-11-1 20:34
棠哥好野!

我都好欣賞佢! 夠風骨, 有氣節!

李小龍依然在生的話, 都會讚佢!

LauChelsea

不過都唔可以漠視法紀

iamboyboy

LauChelsea 發表於 2014-11-1 22:45
不過都唔可以漠視法紀

啱!

但又唔係絕對的.

我相信學生們市民們, 如果可以循著正當的途徑, 爭取到應得的權利的話, 真係不會公民抗命的.

如果今次公民抗命的學生們市民們, 他們的行動純粹只屬於違法, 即係師兄你講的漠視法紀的話, 就唔會除了學生之外, 有咁多市民也出來支持, 政府大可一開始就可以開槍鎮壓了.

如果今次公民抗命的學生們市民們, 他們的行動純粹只屬於違法, 即係師兄你講的漠視法紀的話, 社會輿論就會一面倒支持政府, 而不會有民意調查顯示, 約有四成市民支持學生他們, 政府更加可以一開始就可以開槍鎮壓了.

基本法承諾了零七零八年可以雙普選. 現在二零一四年了.

我見到師兄你的這留言, 我實在感慨萬千.

當人民不應該漠視法紀, 當權者更加不應漠視, 因為他們有權有勢, 他們漠視法紀, 傷害的程度, 就是最大的.

師兄, 你同我同係普通市民, 點解對自己人如此苛刻, 卻對當強者萬分寬容?

iamboyboy

IT仁 發表於 2014-11-1 23:15
文不對題.....

很多人都看不破一個事實

當一個政府它本來已經是: 並非由人民共同推選產生而授權的, 它還要亂搬龍門, 濫用公權.

這一類政府同非法組織又有乜嘢分別, 而這種"政府"為了他們自己的私利所定的"法", 我們還要無條件地遵守嗎?

simontonysoup

iamboyboy 發表於 2014-11-1 23:52
很多人都看不破一個事實

當一個政府它本來已經是: 並非由人民共同推選產生而授權的, 它還要亂搬龍門, 濫 ...

「這種"政府"為了他們自己的私利所定的"法", 我們還要無條件地遵守嗎?」
請問基本法是誰寫的?
是政府嗎?
請問香港立法的責任和權力，
在政府還是立法會?
那麼政府如何為了私利去「定法」呢?哈哈!
如果有人想將「不守法」去合理化，
唔該想過第二種理由吧!

build.gates

回復 simontonysoup #9 的帖子

佢地到而家都重未知道佢地支持嘅所謂 "真普選" 會出個乜野人出黎架...

佢地真係以為由佢地支持嘅所謂 "真普選" 產生出黎嘅特首
係可以控制倒樓價, 改善倒教育制度, 改善倒經濟,
令到D業主有錢唔賺唔加租, 令到D抄家有錢唔賺,
令到D成日走堂嘅學生自動自覺去返學讀書,
令到股票市場全紅, 令老細突然肯加人工架.....

佢地根本冇諗過一個只係完全由一個城市嘅市民投票選出黎, 冇任何後台背景撐腰嘅人,
喺政府舞台上面只係一個小丑, 係幾咁微不足道, 佢所施行嘅政策係會有幾多阻滯...

好簡單一個例, 地產商同抄家要谷樓價, 尾隨業主加租, 連帶所有租戶嘅物價成本上升,
但係生意唔係理想中咁好搵, 請返黎果班人又倒自己老闆米嘅, 平日做野懶懶閒, 淨係識得叫老闆加人工,
賺倒錢嘅老闆又唔肯加人工反而抄人請過個, 成班大學生畢業出黎又覺得果D工請佢地唔起,
你呢個 "真普選特首" 可以點??
跟手成班愛國者衝晒落黎香港買樓, "真普選特首" 有能力同條件去控制咩??
買唔起樓嘅係香港人, 但係抄起樓價嘅都係香港人, 因為賣樓比愛國者嘅始終都係香港人,
"真普選特首" 可以點??
佢係唔係可以令香港人唔賣比出1000萬買樓嘅愛國者, 而去賣比一個只有200萬至300萬買樓嘅香港人??
定係話 "真普選特首" 會帶領所有苦主去佔領地產商同埋果班抄家嘅公司??

如果去到最後同中央反映??
中央就話：
"係你地香港人自己選出黎嘅特首就由你地自己去攪返掂佢..."
"中央而家正逐漸開放人民嘅自由度, 香港係中國嘅一部份, 佢地絕對有權利去香港置業..."
"中央無權干涉一國兩制下嘅特別行政區所施行嘅政策..."
"再加上, 你地選出黎果個特首係邊位呀??    中央都唔識佢喎...."

到時...   呀 "真普選特首" 唔係要走去同聯合國哭訴掛??
我咁樣講已經排除左外國抄家同大鱷嘅駕入, 如果有到時重大獲呀...
我諗到時班鬼佬真係笑到你呢個 "真普選特首" 係邊個都唔記得喇~