陳欣健﹕見香港瘴氣 中港民眾互不了解

sadsam169

【明報專訊】中港矛盾怎麼辦？

中港融合之路，回歸以來跌跌撞撞，回歸前，港商大舉北上投資設廠，回歸後，國企紛紛進駐香港。自由行等融合政策協助香港在SARS後恢復經濟，同時又助長了內地資金湧港令樓價急升，旅客迫爆社區，將回歸以來埋藏底下的中港深層次矛盾一次過引爆，加上政改爭拗，亦令港人思考「一國兩制」應如何走下去。本報以系列報道，嘗試為兩地融合問題提供新思維。

【交往篇】

「因為離開香港多，反而睇到香港啲瘴氣……我生於斯長於斯，我啲細路，同埋佢地以後嘅細路，都會喺呢片原本好快樂嘅地方。」曾先後在京滬定居，近幾年以廣州為家，經常港穗兩邊走的藝人陳欣健，對於政改爭議引發的「佔中」行動感慨萬千，反應強烈。他表示，作為一種抗爭手法，他不反對佔中，但影響到別人的「飯碗」時他就不敢苟同。他強調，用恐嚇手法沒有用，因為共產黨從來不會被嚇倒。

從1980年代擔任華星唱片公司董事總經理起，就帶香港歌星和演唱會到內地的陳欣健，穿一件顏色格仔衫，敞開頂端的兩粒鈕，拉着個特大旅行篋，剛落機就趕到九龍塘又一城接受訪問，行色匆匆之間，漆黑的頭髮仍梳得一絲不苟，令人不敢相信眼前的他已69歲。

「共產黨從不會被嚇倒」

曾經以機動部隊警察身分在「六七暴動」中執勤的陳欣健認為﹕「佔中係一種所謂bargaining through intimidation，以恐嚇嘅手法爭取談判籌碼，但係談判有好多種，唔係一跳就跳到去話我搞你……呢班人既bargaining through intimidation係一定會輸嘅！」他的理由是﹕「共產黨係唔會畀你嚇倒嘅。第二個可能畀你嚇倒，共產黨係唔會畀你嚇倒，佢未畀人嚇倒過。」若明知抗爭無勝望，還拚死一拼，「掟爛個碗」，根本不能證明什麼。

不過，陳欣健同時強調，自己支持普選，亦支持降低參選門檻，但當他知道某些方案一定過不了時，他就反對佔中。當被問到有篩選的「普選」，本身是否能達到普及而平等的原則時，他說，其實大家都看到問題在哪裏，現在有個病，但沒有醫生，本來應該是醫生的政治家，卻不去醫病，反而用一些神打、拔火罐這些怪誕的方法來醫病，虛耗了精力。他希望有些智慧的聲音出來解決問題。

輕呷一口凍飲，曾經做到警司的陳欣健憶述﹕「大約喺一九七幾年，我同我太太返去大陸見我太太個爸爸，當時他已經是一個80歲的老公公，我哋拎條煙畀佢，佢喊。」他瞪大了雙眼，彷彿想起天下間最稀奇的事情般解釋說﹕「我未見過一個老人家拎住一條煙喺度喊。因為嗰陣時係連煙仔都冇得食。然後我們住酒店，一家人嚟晒我哋酒店，冬天係嚟冲熱水涼，因為佢地嗰度係冇熱水。」

內地中產生活好 港人不了解

陳欣健指出，許多香港人不了解內地情况，其實內地中等階層的生活現時已很好，周末一家人去飲茶，去公園玩，去放紙鳶，帶小朋友去少年宮學習興趣班，睇80元一張票的電影……他說﹕「我係proud to be a Chinese，我行到外面，作為一個中國人，我係好proud（自豪）的。」

相反，近年香港一些人掀起針對內地遊客的「驅蝗」行動，令他先是感觸，繼而反感。他憶起當年在巴黎的一段經歷時說，大約40年前，他到當地一家貴族麵包店買包，被當成越南人，受到歧視。他說﹕「個麵包幾多錢啫？即係我畀張一百蚊紙你，你個麵包十幾蚊，然後你唔肯找錢畀我，我又唔識講法文，我淨係識得講英文，我問佢where's my change？跟住兩個大隻佬兩三下就推咗我出門口。所以我見到人哋對付一啲遊客嘅時候，你話我個心有咩感受吖？」

一向好客有禮 反感驅蝗

大約3年前臨近聖誕節，陳欣健行經尖沙嘴星光行附近，看見廣東道上燈飾璀璨，大街上很多內地遊客，看見小孩子的臉龐、年輕父母及老人家表現的快樂，令他想起自己年輕時，初到東京或紐約等大城市時的喜悅，以及當時感覺到的友善和姿采。

陳欣健強調，香港人由於出門的機會多，明白離鄉別井的不方便之處，一向都是好客而禮貌的主人。他說﹕「我見到驅蝗嘅時候，諗番起我自己，諗番起（尖沙嘴）嗰晚，我就有好多感觸，慢慢呢啲感觸就變成反感。我想起當年喺巴黎嗰次經歷，感覺上係歧視，我一生人都未試過去一個地方買嘢係唔找錢嘅。那是1971年的事，我當時廿幾歲，但係我一世都會記住。」

巴塞3冠王

sadsam169 發表於 2014-10-27 16:35
【明報專訊】中港矛盾怎麼辦？

中港融合之路，回歸以來跌跌撞撞，回歸前，港商大舉北上投資設廠，回歸後 ...

聽完歌仔就明點解

以上影片乃youtube提供,與本站無關; 若無法觀看,可查看原網址。

BTW 佔中後小左自由行又真係交通又順左(唔計被佔果幾區),出街直飯都c 服左

Topvision

依幾年, 睇得見全力維穩.....  

'唔無'全力以赴,  香港年青人都成了他們口中的廢青

結果發生是.... 廢青佔中....

市民都不太贊同佔中,   但是市民又出於關心廢青而成不反對佔中...

近一個月了.....  

巴塞3冠王

Topvision 發表於 2014-10-27 17:52
依幾年, 睇得見全力維穩.....  

'唔無'全力以赴,  香港年青人都成了他們口中的廢青

就係呢d 維穩能樣睇能到禾火起

谷村富郎

陳欣健的想法和說法和我極之相似,中港两地民眾真的互不了解,香港除了一些常來往两地的商人和居民,基本上有很大數量的港人對大陸的人和事只停留在爛傳媒宣傳的負面消息之層次上面。
由原本開始只是反共党政權慢慢變成反華,反自己同胞,反中華文化,反普通話,反祖宗,反有關涉及中國的一切。

Topvision

巴塞3冠王 發表於 2014-10-27 17:56
就係呢d 維穩能樣睇能到禾火起

我只希望維穩方案計劃, 有計上佔中......  有方法可以平息就好了....

巴塞3冠王

Topvision 發表於 2014-10-27 18:00
我只希望維穩方案計劃, 有計上佔中......  有方法可以平息就好了....

其實我覺得好多香港人都清楚現行網上所謂維穩手法系香港唔work，只會做成更加分裂同火上加油，老老實實我唔係見到呢班維穩XXd 做搖抹黑手法都唔會咁火係呢區出貢多聲

梁非凡

谷村富郎 發表於 2014-10-27 17:56
陳欣健的想法和說法和我極之相仙,中港两地民眾真的互不了解,香港除了一些常來往两地的商人和居民,基本上有 ...

正如有D人高呼"寧做英國狗, 不做中國人"咁, 你都冇佢辦法架

Coffeewine

說出香港人心聲

wanmeimei

sadsam169 發表於 2014-10-27 16:35
【明報專訊】中港矛盾怎麼辦？

中港融合之路，回歸以來跌跌撞撞，回歸前，港商大舉北上投資設廠，回歸後 ...

陳Sir 講得好!

Bippwin

梁非凡 發表於 2014-10-27 18:29
正如有D人高呼"寧做英國狗, 不做中國人"咁, 你都冇佢辦法架

最慘英國連狗都唔俾佢哋做。
可能佢哋賣完國後，有機會做美國狗。

pang1100

這就是香港的可貴, 自由. 只要不犯法, 你做乜都得.
法治,守法才是民主的基石.
沒有法治, 就算有民主, 都只是黑金政治.
如巴西, 墨西哥. 政府是民主選出來的,但背後貪污腐敗, 黑社會,毒販橫行.