|
|
發表於 2014-10-22 03:54:14
|
顯示全部樓層
回復 鸚鵡王子 #1 的帖子
87枚催淚彈是對是錯，不能一概而論，雖説當中有些示威者係手無寸鐡，但也有些是手持武器的。但唔能夠話當中有部分係放得正確，就無視其他濫用既情況。難道警察在一單劫案中，因部分賊人手持武器，就可以無差別向所有在場人士開槍？
至於「佔中」人士被「反佔中」人士驅趕時，卻又叫警察保護。你話反口兼無性格，我唔明反口係指咩，有無性格我唔知。但警察保護市民生命同財產，係責任，亦係香港市民應得既權利。即使有個強姦疑犯被捕，如果受害者家人走出黎要打死疑犯，警察都係有責任要保護疑犯。呢啲橋段電視電影做得多，但無論個疑犯幾令人咬牙切齒，我地都會明白警察因職責所在要保護疑犯，呢個係香港法制既可貴之處，如果有日警察可以凴自己個人判斷對方是否值得去保護，不知道呢個又係咪大家想要既香港？
你話難得警察又「大方」地前去營救。其實你甘講，係咪話警察執法係一種施捨？警察執法係職責，做得好，我都只會話佢地好專業、敬業。如果人人都覺得警察執法係一種施捨，到時唔知香港變成點。
其實我都好同情警察係佔中事件上所承受既壓力同付出既辛勞。佢地只係變成佔中運動中夾在中間成為磨心，要追究，都係最高層策略上既問題。
「樹大有枯枝」，我亦認同不可以一竹篙打晒一船人落水。但亦不代表可以互相包庇，如果好似七名警察涉嫌濫用私刑毆打佔領者單野，我地都要默不作聲，視而不見？不過確實有人大肆過分宣染警察暴力問題。最緊要係保持獨立思考，針對個別事件考慮，而非將件事投影到整個警隊都有暴力問題。 |
|
樓主: 鸚鵡王子
在線雷達
支持警察依法執法
