淫媒加碼派狗餅　奴才瞓身乞廣告

luxembourg · 發表於 2014-7-26 15:07:20

本帖最後由 luxembourg 於 2014-7-26 17:23 編輯

淫媒加碼派狗餅　奴才瞓身乞廣告

男盜女娼扮清高，欲蓋彌彰實穿煲。泛民政客收受淫賤黎秘密捐款嘅醜聞愈揭愈臭，好似有「民主阿婆」之稱嘅前政務司司長陳方安生咁吖，忽然民主扮晒嘢，其實不過係厚顏無恥嘅拜金奴才咋。

話說獻金醜聞曝光後，泛民政客誓神劈願話唔會接受附加條件嘅捐款，民主阿婆更加倒打一耙，反指畀人「批鬥」及「抹黑」添。事實係點呢？呢嗱，淫賤黎今年一月初自爆旗下爛果報被抽廣告，而民主阿婆同一個月就收到淫賤黎秘密捐款三百萬元，比舊年嘅五十萬元捐款急增五倍，如果話當中冇蠱惑，你信唔信吖？

正所謂，天下熙熙皆為利來，天下攘攘皆為利往。淫賤黎一向算死草，家陣突然咁大手筆，唔通轉死性嫌錢腥？或者想改邪歸正開善堂？其實，就算開善堂都應該先救濟窮人喇，佢派錢畀呢班薪高糧準嘅政客以及衣食無憂嘅退休高官，擺明係一種政治交易喇。嗱，民主阿婆收到加碼嘅狗餅後果然識做，接受英國報章專訪時公然替淫賤黎出頭，話有英資銀行懷疑因為北京壓力等政治原因，拒絕喺爛果報落廣告喎；之後佢仲意猶未盡，致函有關銀行興師問罪，表達「關注」添。

正所謂，受人錢財，替人消災，民主阿婆真係交足功課㗎。佢除咗喺香港替淫賤黎出頭，本月初更聯同人稱「李漢奸」嘅李柱銘飛去英國，話就話傾香港政改，其實醉翁之意不在酒，兩個舊電池喺英國國會聽政會上，唔點名為爛果報被抽廣告向洋人申訴。講到呢度，係人都睇得出民主阿婆嘅真正目的係為淫賤黎乞廣告，而唔係所謂嘅爭取民主喇。所以話，無恥就係無恥，明明係污糟邋遢嘅政治交易，仲要扮晒清高，簡直係侮辱香港人智慧。

話時話，民主阿婆身為前政府高官而收取淫賤黎巨額捐款，然後為金主乞廣告，延後利益嘅嫌疑水洗都唔清。其實，講到利益衝突，民主阿婆都唔係第一次嘅喇，佢當年買豪宅獲銀行提供「十成按揭」優惠，唔止違反金管局指引，而且被指身為高官帶頭掀起樓市炒風，如果唔係港英餘孽官官相衞，佢又點可能過到骨吖。

不過咁，善有善報，惡有惡報，時候一到，統統都報。民主阿婆舊債未清，又添新帳，今次睇佢仲走得去邊。嗱，有市民已向廉政公署舉報，除咗要求徹查今次黑金醜聞，仲要求追究當年嘅十成按揭。咁就啱嘞，舊債又好，新帳又好，依家係時候一次過清算喇。功夫茶提醒當局，千祈唔好又係高高舉起，輕輕放下呀！

http://hk.on.cc/hk/bkn/cnt/commentary/20140726/bkn-20140726002632623-0726_00832_001.html

陳太原來係乞兒婆，肥佬就係乞兒集團既幕後無良老闆。

梁非凡 · 發表於 2014-7-26 15:28:02

呢隻偽民主老妖以前仲有d影響力
所以十成按揭都可以走甩
但今時唔同往日
佢依家法力盡失
睇黎係時候將佢煎皮拆骨囉

四台國際CEO · 發表於 2014-7-26 15:28:29

luxembourg 發表於 2014-7-26 15:07
淫媒加碼派狗餅　奴才瞓身乞廣告

男盜女娼扮清高，欲蓋彌彰實穿煲。泛民政客收受淫賤黎秘密捐款嘅醜聞愈揭 ...

條呀婆勾結外國勢力，應該扣起佢d長俸

Narhhy · 發表於 2014-7-26 15:29:23

she is a mother fxxker

Pressupgo · 發表於 2014-7-26 15:42:47

唔怪得貪泛咁驚23條喇

yankwong · 發表於 2014-7-26 16:52:55

講到尾,泛民,收錢做野,

浪子010 · 發表於 2014-7-26 16:58:06

回復 luxembourg #1 的帖子

非常同意！

谷村富郎 · 發表於 2014-7-26 17:19:24

今次班"偽民貪泛"所犯之收受利益不依法公開上報之罪乃極其嚴重,期待有關方面,尤其ICAC一是要公平,公正,公開地依法嚴辦,不能因為怕被人冠以什么"政治打壓","白色恐佈"等等帽子而退卻,以正法紀,並誓死維護香港法治社會之"核心價值"。
敬請调查此事件之各位執法者要以香港未来之永久利益和福祉為重,千萬不要為任何"壓力"而手軟,亦不要因為這班人頭上的"假民主光環"而有所畏懼和遲疑,700萬香港市民正熱切地看着您們如何下手和怎樣處理。