議員流會當食飯不務正業最無良

luxembourg · 發表於 2014-7-20 11:49:01

議員流會當食飯不務正業最無良

「想我都好想好似中咗頭獎，有嘢唔使做，老細又吹我唔脹，日日等出糧，冇乜嘢需要緊張……」，大家咪以為淨係唱歌吖，現實當中真係有咁嘅事㗎。呢，立法會議員流會多過食飯，日日等出糧，納稅人吹佢哋唔脹，簡直係天下第一筍工。

話口未完又嚟啦。立法會一個條例草案委員會原定尋日討論電子病歷互通系統，結果十五個委員中只有三個出席，正式係小貓三兩隻，由於唔夠最低法定人數而以流會收場。換句話講，今次已經係本立法年度最後一次會議，惟有等下個立法年度分解嘞。

話時話，立法會流會已經唔係新聞，市民見怪不怪咯，議員缺席嘅藉口嚟嚟去去三幅被，唔係賴塞車，就係賴唔知醒，或者分身不暇。咪睇班議員平日黨同伐異，勇於內鬥，講到蛇王咯喎，不知幾齊心，左中右各路人馬都有，個個唔執輸。鬼咩，尊貴議員最鍾意遊埠，每逢有外國考察團，佢哋有理冇理，一定踴躍報名，依家抖暑在即，套用一句舊小說嘅話，慌唔係個心已經飛咗去爪哇國咩。

真係諗極都唔明，市民出糧畀呢班政客，係叫佢哋開會議政同埋監察政府，唔係又食又拎周遊列國，點可以郁吓就玩失蹤，郁吓就遲到早退㗎，如果係普通打工仔，早就炒魷魚啦。

所以話啫，成班議員不務正業，懶到出汁，唔怪得立法會畀人叫「垃圾會」喇。大家有眼見，政客為博出位，講粗口、拉布、掟嘢，一個比一個激進，一個比一個粗鄙，市民睇見都眼冤。唔知大家有冇發現，一到比較重要嘅會議，市民關注，傳媒雲集，議員例必使出渾身解數吸引眼球，但遇到好似尋日嗰啲少人關注嘅會議咯喎，仲唔關人個關，閃得就閃咩。

當年鄧伯伯講過，英國人做得到，中國人也能做到。可惜事實啱啱相反，港英年代嘅立法局從來未試過拉布、流會，回歸後就一蟹不如一蟹，鍾意拉布就拉布，鍾意流會就流會，立法會成個無掩雞籠咁，簡直烏煙瘴氣，亂象叢生。咪話功夫茶唔提醒吖，有議員拉布拉上癮，講到明下個會期再接再厲，將戰線擴大到「三堆一爐」同創科局等議題，係又拉，唔係又拉，跛腳政府一味捱打，究竟點樣維持管治，實在令人懷疑。

今日香港七國咁亂，最無辜最無奈嘅始終都係納稅人。政府無能，政客無良，納稅人供養呢班廢柴，直頭冤過竇娥喇！

http://hk.on.cc/hk/bkn/cnt/commentary/20140719/bkn-20140719004529340-0719_00832_001.html

呢個垃圾會內，保皇既保皇，拉布既拉布，掟野既掟野，抽水既抽水，盲反既盲反。啲唔得閒出席會議既議員，梗有藉口，既然咁忙，為乜出嚟參選呢﹖人工照收但又阻住個議會席位，佢地究竟為錢定為民服務﹖如今議會已經無實際功能可言，不如執咗個垃圾會，慳返幾十億來幫助市民仲好。

luxembourg · 發表於 2014-7-20 11:57:47

泛民離譜又釀流會

《電子健康紀錄互通系統條例草案》委員會原定於昨早八時半舉行第六次會議，十五名委員當中，最後竟然只有三人趕及在流會死線前、即八時四十五分到場，距離三分一的法定人數還差兩人，被迫宣布流會。

為免一眾政府官員、律師及私隱專員蔣任宏等「白行一趟」，委員會主席莫乃光決定改於立法會五樓的咖啡閣，繼續舉行約兩小時的非正式會議，「摸住杯底」審議草案。莫乃光會後表示，由於議員普遍反對暑假休會期間開會，故相信要待九月底或十月才可重新召開會議，他對事件表示遺憾，希望不會因而影響審議進度。

準時出席的議員包括莫乃光、衞生服務界李國麟及一向關注病人權益的工黨張超雄，其餘十二名委員當中，有五人事先表明未能出席，另有三人遲到，餘下四人則全程不見蹤影，包括委員會內的兩名醫生梁家騮及公民黨郭家麒，還有民主黨胡志偉和工黨張國柱。總計七名遲到或「甩底」的議員，有六人屬泛民陣營。

學者：公眾對立會觀感負面

梁家騮接受查詢時表示，每逢周二和周五早上，他都要在醫院為病人照大腸鏡，對流會感到無奈，承認議員有責任出席會議。公民黨郭家麒自稱當時在其他地方與職員開會，對事件表示抱歉。

中大政治與行政學系副教授馬嶽表示，立法會近月接連流會，公眾已對立法會產生負面觀感，「大家對流會已經慣咗」，認為今次事件不會引起公眾太大注意。

《電子健康紀錄互通系統條例草案》旨在為公立醫院與私家醫院之間建立電子健康紀錄互通平台，令公私營醫生均可即時得知病人病歷，從而作出適當治療，惟個人資料私隱專員公署質疑病歷互通會侵犯病人私隱，審議了多個月仍未能達成共識。

http://the-sun.on.cc/cnt/news/20140719/00407_075.html

大家留意樓上紅字

bigfatdog · 發表於 2014-7-20 12:20:18

本帖最後由 bigfatdog 於 2014-7-20 12:21 編輯

流會已經浪費公帑
重要諸多藉口解釋

四台國際CEO · 發表於 2014-7-20 12:21:46

luxembourg 發表於 2014-7-20 11:49
議員流會當食飯不務正業最無良

「想我都好想好似中咗頭獎，有嘢唔使做，老細又吹我唔脹，日日等出糧，冇 ...

放暑假呢樣嘢就夠騎喱啦，唔通暑假期間就冇民生問題

henry69 · 發表於 2014-7-20 12:49:44

本帖最後由 henry69 於 2014-7-20 12:59 編輯

應要習慣當自然

苦中作樂
憑歌寄意
鍾鎮濤情變

補充內容 (2014-7-20 12:54):

以上影片乃youtube提供,與本站無關; 若無法觀看,可查看原網址。

2.情變 (修改)

作詞：盧永強
作曲：鍾鎮濤
編曲：盧東尼

曾伴摯友在此夜店　聽他說百遍
說百遍他的悲傷昨天　昨天失戀
曾扮作老練的規勸愛既已失敗　何必多痛苦
還望摯友你聽聽意見

* 情變　情變　情變　應要習慣當自然
　每天要生要死　已是陳舊不再新鮮
　情變　情變　情變　早有伏線到今天
　也許今次變是警告你(我)休再癡心永遠 *

誰料我會在此夜店　點煙數百遍
更多更詳盡歌詞在 ※ Mojim.com　魔鏡歌詞網
數百遍狠狠擠熄了煙　痛心失戀
誰料我駕著車打轉　要借那公路　來拋開掛牽
還自勉我要輕鬆應變

Repeat *

遙遙路上獨自勉勵　模糊淚下混亂一片
說不出多抱怨　心中有幾多眷戀

Repeat *