官不可點燈，民卻可以放火

jj99 · 發表於 2014-7-10 06:33:05

凡屬於建制的都不是好東西，以至逢政府必反的思維方式是美英亂港的方法！

轉載：
有人擔心警察成為政府政治工具，但逆向思考，我們就不怕警察過於民粹，而成為反對派的政治工具嗎？今時官（政府）不可點燈（依法辦事），民（反對派）卻可以放火（有法不依），這是個講求法治和理性的社會應循的發展方向嗎？

foxxxx · 發表於 2014-7-10 07:22:47

禾想同官爺們平反吓，其實企地有時刀可以点燈噶，例如醉駕啦，劏吓房啦，僭建啦，貪吓小便宜啦（比經濟錢坐私人机）等等。所以吾巧話佢地冇燈点囉。

Topvision · 發表於 2014-7-10 08:46:59

鬼咩....... 自身無條件無能力一大批人, 就係喜歡依向中央示好攞著數, 而最後成為建制一員...
咁比一般人印象, 建制就一定唔好囉......

出問題在於包裝與素質, 及公眾形象

谷村富郎 · 發表於 2014-7-10 18:24:46

英治時代做高官好,可以点燈又放火,市民還要歌訟D燈火靚,高官和匚豐大班飲十幾萬一支紅酒冇人質疑！現在有能力有本事的一流人才怎會做HK的官？梁X松是一個例子,尤其近年之政治氣氛,做高官出街會被人撞散,在議會內會被人掟玻璃杯,家中會被人搭雲梯拍照,日日被人问候娘親,家人無日安寧,一流人才走哂去私人機構做CEO,揾大錢,使X受氣？
餘下的只能是三流人才,唔係咁仲可以点？而家班政棍都係三,四流架乍,水兵打海軍,水鬥水,除非"京"人治港啦！你地實唔肯架,。
做差佬最惨,打份工又唔恶得,差館內被上級鬧,街上被惡民鬧,34度熱天陪住你地行"花市",又怕你地被車撞親,又驚何伯熱昏,又防班馬騮不守秩序,又要同痴蜂玩推鐵碼拔河,身水身汗,一眼關"百",成晚陪你睇星星冇得返家陪老婆,天光仲要玩埋"抬豬仔"遊戲才收工,底衭都濕埋,最後仲要被人封埋"暴力差佬"大名。