新人報到

ashley_ash

新人報到

ashley_ash

睇完我經歷, 你地可能唔會再咁縱自己啦小朋友

好簡短咁講,
我屋企唔窮, 住house屋企有司機. 中五既時候,父母開始唔俾零用錢我, 車費飯錢通通自己搵, 除左學費我可以畢業再還. 然後我大學選擇左係香港讀都係因為學費平d, 之後打3份part-time好慳每月儲到7千, 而家慳慳埋埋儲到20萬, 就黎畢業. target係大西北上車盤

我發現而家有部分人畢業後都仲靠屋企養, 什至結婚都唔搬出去住, 養埋佢另一半同個孫
跟住細d既又有怪獸家長請工人服侍個小朋友,鞋帶都唔識縛
(題外話: 有時見到有d同我差唔多大既人係度分享自己幾細個做媽媽個時真係好想小爆佢地! 特別係見到話"最細係我,9x年.."個d! 都唔知個腦諗緊咩, 愈細愈威?)

我想講, 我屋企明明負擔到都中五就趕我去自給自足, 到而家我咪又由溫室小花變成大蜜蜂
家長們唔好太縱個小朋友, 如果唔係佢地唔識大! -> 當年我媽就係咁講

有部分年青人都希望第時可以買番自己而家住緊咁既質素既樓
但如果無咁既能力, 就唔好打屋企人主意.
好似我咁, 我個大西北target簡直係同我住緊個度既反方向, 但我知自己有幾多料就買咩樓
屋企人唔係應份俾錢..
亦有好多人唔靠屋企自己搵錢仲照顧屋企, 我相信佔大部分
所以唔應該標籤80或90後就一定係點點點..

最後我強烈呼籲, 如果你考慮緊用唔用自己老豆老母既養老錢拎黎俾買樓, 或者卡數等等等
睇完我講既野, 再三思而後行!!!
若然只係運用多餘閒錢則可考慮風險後借, 而定一個還錢plan

另外,
雖然我都唔讚成經濟負擔到都好似我媽咁,係我考大學前就要我去打工搵錢, 但至少我覺得可以大學個時就放手, 我地咁後生, 無咁易餓死架... 路係人行出黎, 我算係極端例子都行到條路, 點解其他人唔得