買期指等如買盈富?

dragonco · 發表於 2013-12-6 10:58:44

有人話買期指等如買盈富, 但手續費平好多, 而且每個月都派息.
玩法係咁嘅: 將期指乘50點或者10點, 視乎所買係大期定細期, 所得值就係所代表股票總值.
由於將期指當股票長楂, 所以按金要等如計出嚟金額, 例如細細地用國指去買, 11300國指, 細期一張=113000港元.
放113000港元做按金, 買入11300細國期. 長楂.
如何收息? 就係每個月一般都會見下月比即月低水, 等下月見大低水時, 就轉下月倉. 每個月都係咁轉一次. 就等如每個月都收息.
買賣期指費用遠比股票平好多, 亦無存倉費用. 所以長楂期指比楂股票好.
另外, 任何一隻股票都會有機會一沈不起, 甚至會執笠. 但市場指數唔會執笠. 隨著經濟週期上落, 指數係只會反覆上升.
若果對市場上落較有把握, 甚至乎可以採用先沽後楂方法去捕捉大市回落的空間. 但切記不可沽過夜. 過夜一定係楂.
據經紀講, 市場里有大型基金, 就係幾萬張期指長楂的. 所以至會見到每個月總係會有咁多倉位要轉倉.
大家覺得以上講法啱唔啱?