劉俐恨出寫真賣Body

燕青小乙 · 發表於 2013-12-4 20:45:07

藝人劉俐（藍莓）日前拍攝性感泳衣照，大騷三吋事業線及小蠻腰，非常吸睛！現時與無綫沒有經理人合約、回復自由身的她想重錘出擊，希望推出個人寫真集，吸納人氣！

藍莓於2009年在無綫節目《耳分高下》擔任「Sing之天使」而為人熟悉，其後不時參演劇集。早前她為《Bubble寫真月刊》拍泳衣照，大騷32B咪咪及小蠻腰！當她站在樹幹拍照時，即自動波擺出煞食甫士，除大晒白滑玉背外，更大字形坐在樹幹上，大晒三吋事業線及長腿，非常吸睛！

「三點」留畀老公

完成拍攝後，藍莓有推出個人寫真的衝動：「依家同無綫冇經理人合約，都想喺工作上有多方面嘗試，以前試過同其他Sing之天使出寫真，但個人寫真未試過，好希望有心人可以幫我出！」此外，藍莓坦言想在電影圈闖一闖，並在片中做新一代打女：「好多人覺得我形象性感，但其實我可以做好多唔同角色！其中自己最想拍打戲、做打女，想自己可以喺戲中跳來跳去！」

雖然藍莓想嘗試不同工作，不過她坦言暫時底線是三點不露：「我唔知未來係點，但目前為止，我都堅持三點不露，因為想將呢樣嘢留番畀未來老公！」問到找到口中的「老公」未？她即苦笑說：「依家感情生活一片空白，雖然渴望愛情，但順其自然，都有人追嘅，但仲係考慮同觀察中！」