唔知點解發覺自己好耐無同媽媽傾計,所以昨晚在家裏我們傾了一晚,講了一些我兒時的趣事,
這些往事雖然事隔很久,但媽媽記得很清楚,有時我覺得媽媽到現在仍然當我係一個小孩子.
每一個人都經過童年,而每一個童年都會有一些趣事,大家不如寫出嚟,一齊分享一吓.
我記得我童年第一件趣事,發生喺我4歲左右年紀
那日是一個大日子,因為我們搬屋了,由板間房搬去一新起的公共屋邨
那新起的公共屋邨在當時很先進的,因為它有電梯,那時的屋邨大部份只有樓梯沒有電梯
而我們這間屋邨擁有六部電梯,兩部去下層(只停7樓、11樓),兩部去中層(只停15樓、19樓)
最後兩部去高層(只停23樓、27樓),而我就住在中層.
在當時電梯對我嚟講是一件很新奇、刺激、好玩的東西,嗰時哥哥跟住爸爸搬嘢,
我自然跟住媽媽搬嘢,喺電梯裏,我問媽媽
我 <我哋住幾多樓呀>
媽媽 <我哋住喺....,一出電梯行上兩層就係>當時我聽唔清楚幾多樓,祗聽到最後嗰句
媽媽 <記得陣間跟住我,唔好走嚟走去>
我 <哦!我知道啦>
電梯門一打開,媽媽就搬嘢出去,而我就跟住媽媽出出入入,一路望那令我感到新奇的電梯
望到唔記得跟住媽媽,感到電梯在上升,電梯門又打開,見到啲哥哥姐姐出去,我自然跟住出去
我發覺唔見咗媽媽,不過我記得一出電梯行上兩層,我行上兩層,就在那層左行右行
都唔見到媽媽,結果我做了那年紀應該做的事,就是............大喊
我喊咗唔係好耐,就有個太太行出嚟,見我不停大喊,就問我
太太 <小朋友,你做乜事喊呀>
我 <我唔見咗媽媽呀~~~呀>
太太 <你唔見咗媽媽呀,你住幾多樓呀,我帶你找媽媽>
我 <我唔知呀~~~呀,媽媽話一出電梯行上兩層就喺>
太太一聽到當堂心裡有數,就帶我到樓下找媽媽,行到我出電梯那層,就見到媽媽在找我,媽媽一見到我就講
媽媽 <你嚇死我啦,你走去邊呀>
跟住媽媽就多謝帶我落嚟的太太(到了現在我同媽媽已經忘記那位太太姓名,但我真的想再講一聲....謝謝)
回到家裏媽媽話我唔聽話,走嚟走去嚇親佢,而我就話
我 <媽媽妳講大話,妳呃我,我有聽妳話一出電梯行上兩層,但都唔係,原來係行落兩層先至啱>
媽媽 <.................>
每次一講童年往事,媽媽就必定同我講呢件事,因為呢件係我兒時走失事件第一件,往後仲有幾件
(以上內容有部份我記得,其它就是同媽媽傾談得知)
[ 本帖最後由 ANDY1860 於 2008-1-12 13:28 編輯 ] |
在線雷達
發表於 2008-1-12 11:33:18
廣播
置頂
推舊帖
收嗲鳥
吾巧亭
油顏色
