左翼社運人士每逢遊行集會都籌款 被人質疑「無用泥攪民主」

FoodyPig

黃洋達:重點唔係錢從何來，而係D錢點使？
自HKTV集會詐騙捐款事，足足過了一星期，事件居然仍未平息，左膠們仍然奮力死撐。
梁文道係蘋果連出三篇文，又搬司徒華，又講七一六四，拉到無雷公咁遠，為左膠爭位搶鏡嘅行為開脫......
喂！而家問題係你班@@呃錢呀！
左膠為左幫自己開脫，抹黑本土派、指責HKTV集會、轉移視線，無所不用其極，但偏偏唔肯為自己詐騙捐款道歉。

左膠們矢志要成為「職業社會運動員」，做乜都以「保住自己個位」為優先考慮，「排除異己」對佢地唻講，係重要過打倒專權。
另外一個問題，就係維持佢地自己嘅組織同運動系統，係重要過運動成功！所以佢地會去，所有群眾聚集嘅地方，去收集捐款，理得佢咩場合，人地屋企畀人拆，又係捐錢畀你，死左人，又係捐款畀你。咩議題都好，嗰D乜春主義行動、羽翼29，次次都攞個箱出唻收錢。
HKTV呃捐款事件，佢地搞出個大頭佛，但其實係D唔關事嘅行動上面，胡亂收款，佢地唔係第一次。

其實社運團體或NGO收集捐款，相當正常合理，但都要睇場合，是否合理。
另外，因為香港人鍾意捐錢，香港社運組織，收捐款太容易，於是亂咁洗錢。

好似支聯會咁樣，每年六四都收過百萬捐款，但其實D錢用左係邊？
大家年年捐錢畀政黨、社運團體，但你見佢地做左D咩出唻？
以立法會選舉為例，社記日日都喊窮，你睇九東選戰，老土D選舉工程做得奇差，睇表面佢好似窮過我好多咁。但結果呢！原來佢用嘅經費係九東最高，高過小弟。但偏偏我地做出唻嘅野，多過佢地好多。

捐款來得太易，於是亂咁洗錢，洗得毫無效率。

我再舉一個更直接比較嘅例子，講獨立媒體運動。
用＜＜熱血時報＞＞同＜＜D100＞＞唻做比較。
我們創辦＜＜熱血時報＞＞，主力從事本土媒體運動，反媒體壟斷，反媒體赤化！我們提供免費網台廣播，出版免費報紙，出版漫畫雜誌，做舞台表演，做書籍出版，做手機遊戲推廣理念，在各個界別上發聲，但我們從不接受捐款。
創辦時，我們的資本是20萬，由小弟同幾個股東自掏腰包出資，到十一月，我們營運了一年。

這一年來，熱血時報的廣播開支、租金開支、網絡開支、每月印刷二萬五千份報紙的開支、還有多個社會行動支威物品運輸等開支，一年總共，用左一百二十多萬左右。
我們的收入來源，是報紙訂閱、廣告、熱血產品、舞台演出、出售書籍等等，我們銷售的產品，除了取徥盈利，售出的物品本書，也是傳念宣傳品。一年下來，收入也就大概是百多萬。
再看D100，他們收廣告費，同時又接收捐款，搞唔清楚佢係商業機構定係NGO。
D100營運左10個月，淨係裝修，基礎建設，廣播室等等，足足用左二千萬！租數碼港，付高昂租金，十個月來，根據D100講法，他們基本營運開支，約每個月200萬，共用二千萬。即係D100呢十個月唻，一共用左四千萬！
根據D100講法，佢地錢嘅來源係咁，大班係DBC攞返嘅錢4000萬，放返落去開D100，即本金係四千萬。然後廣告收入百多萬，會員費用（即捐款）九百多萬。

即係，D100嘅開台本金，係熱血時報嘅200倍（四千萬vs二十萬）
一年營運開支，D100大約係熱血時報嘅20倍（二千萬vs百多萬）
D100用多熱血時報咁多錢，咁得到嘅效果呢？
D100固定聽眾人數，係30多萬左右（計算到訪網頁的unique ip）；熱血時報固定聽眾，係23萬左右（計算到訪網頁的unique ip）
用左多200倍投資，多20倍營運開支，就只係多左五六萬聽眾。
除此之外，D100只做網絡廣播，但熱血時報，除左網絡廣播，仲有免費報紙月刊、網絡新聞、劇場、漫畫雜誌、手機遊戲、還有社會行勳。我地用D100四十分之一嘅資金，做多佢地咁多野。
D100公佈自己財政嘅時候，仲夠膽話自己用錢有效率，如果用咁多錢做咁少野，都叫有效率，呢個世界冇人係冇效率架啦！
除左效率，D100同熱血時報有咩分別？就係熱血每分錢都係辛苦賺返唻，D100輕輕鬆髮就募集千萬，胡亂揮霍。

其實唔係針對D100，好多社運團體、政黨都係咁樣，動不動就募捐，然後毫無效率地花費！
再講一次，唔係話社運組織或NGO募集捐款唔啱，但大家捐之前或捐之後，要搞清楚佢地募捐唻做乜，仲要睇下佢地D錢點用法。
＜＜熱血時報＞＞創立之時，就堅拒捐款。D100恃住有捐款支持，胡亂揮霍！我們要打破這個局面，不單為熱血時報，也為整個新媒體生態。

要維持這個做法，我地唔需要好似社運撚咁樣，咩場合都攞個捐款箱出唻，又唔駛好似D100咁叫成千上萬人捐款，小弟開個show就夠我成個台營運小半年，你唻睇又有得你笑餐飽

點解可以做到，其實，只要正直地，小心用錢，人人都做到。
以後，你地除左要問「錢從何來」，記得要問「D錢點使」。

jj99

一向都唔捐！！

逗利是佛

回復 FoodyPig #1 的帖子

揭視咗點解運動人士咁熱衷於谷高人數上街

易服小天后

jj99 發表於 2013-10-30 06:37
一向都唔捐！！

左中右都唔方好得去邊，所以一向無捐

Bippwin

依家樓價咁貴，你話幾高人工至合理．
人哋搞社運咁辛苦，住好啲都好應份啫，如果唔係，搞嚟做乜？
呃錢？點算呃錢，係班儍仔捐啫．
個個星期都幫班儍仔搞節目，收番佢哋一筆娛樂費都好應該啫．
點使錢？商業機密嘅架！點講得俾你知？
唔通班搞手個個出幾皮嘢一個月，班搞手啲公司賺十幾皮一個月，都要講俾你知？
你有冇份捐？你捐咗幾多？最多你攞捐款證明出嚟，佢哋就將你嘅捐款嘅用途私人話你知．

四台國際CEO

FoodyPig 發表於 2013-10-30 02:21
黃洋達:重點唔係錢從何來，而係D錢點使？
自HKTV集會詐騙捐款事，足足過了一星期，事件居然仍未平息， ...

50步笑100步
有邊一個黨派肯真正交盤數出黎呀

pang1100

一班政棍, 一盤生意
其中表表者---鄭大班, 黃教主(當年茶杯裹的風波製造出來的早晨特首)
黃洋達東施效顰, 小丑一個