魔童大戰狼英

controllboy

梁振英又不點名反駁王維基指曾獲政府官員承諾發牌的說法：「大家都可以相信，不可能有一位官員講出這樣的說話，作出這種承諾，我們的紀錄當中，亦冇這樣的承諾。」盛傳一意孤行拍板拒發牌予港視的他，也不忘將整個行會「拖落水」，指《基本法》雖給予特首不聽從行會成員意見的權力，「但是過去從來未發生過」。
梁振英昨晨發表言論後，一直「保持低調」的王維基，隨即於昨下午4時半召開記者會，逐點反駁梁振英。他開宗明義批評梁振英的言論如「火上加油」，指1998年訂立的開放廣播市場政策就是「來者不拒」。廣管局前年已確認三個申請者皆符合發牌要求，特首及行政會議突然改變來者不拒欠缺法理基礎，「究竟發牌與唔發牌，係一個政治決定，抑或係來者不拒，抑或只不過係一個個人嘅篩選？」
王維基再次否定不獲發牌是因中央的關係，「我唔係有強烈政治傾向嘅人，其餘兩個申請者比我更鮮明」。他指，過去一周的體會是，「以為自己係做競選，抹黑嘅手法層出不窮」，不斷有別有用心的「消息人士」發放港視太進取、不願減頻道、出售香港寬頻，以及開台後會賣盤給壹傳媒創辦人黎智英是「港視死因」。
王逐一澄清，指申請表根本不存商業敏感資料，並披露今年5月14日收到政府通知，首度看到4份顧問報告及知悉政府或不會同時發放三個牌照，但港視不能修改原來建議書內容，「我哋只係被知會佢哋有咁嘅打算，就叫我哋去回應……整個廣播政策改變，唔係一個人話點玩就點玩」。他認為，特首及行政會議應站出來解釋，為何決定與廣管局不同。
王維基也提到當年有政府高官邀請他申請牌照，「我好記得佢（官員）講，我下面同事要求你嘅嘢，你全部都答晒yes，我哋政府點可以唔畀牌你呢？」
王維基自言連日來已「好克制」、「我本來唔嬲」及「好冷靜」，「作為香港人，我都唔希望香港成為國際笑話。」但政府官員的言論不斷「捉字蝨」及「玩語言偽術」，加上無中生有的傳聞，令自己的心理狀態已到臨界點，提醒官員要「講真話」及「慎言」，「你真係唔好激嬲我」。王又宣佈已落實提出司法覆核，並指「我冇借錢，我有20幾億現金。」

王維基說了好多我到想向現在的政府說的話, 特別這二句 :
究竟發牌與唔發牌，係一個政治決定，抑或係來者不拒，抑或只不過係一個個人嘅篩選?
政府官員的言論不斷「捉字蝨」及「玩語言偽術」，.......，提醒官員要「講真話」及「慎言」

曉之以理

王維基 : 香港是法律大，政策大，還是特首最大？

patrickssq

回復 controllboy #1 的帖子

好一句〔來者不拒］．

如果是一家人，誰是來者? 說話者背後的心態非常清楚, 只差沒說出: 這些人非我族類,其心必異. 　

小時候看三國演義, 常看到是守城大將對來犯者大喝一聲: 來者何人?

所以大家都想知道王維基哪裡冒犯了政府.  

Topvision.

作為外人呀, 我都聽得出係貓哭老鼠言論啦....

火上加油...

魔童點會唔出聲 !?

我就完全唔明今次唔發牌事件啦...
到底會係政治原因呀 ?
或是私人恩怨啦 ?

新.東方

希望快D開庭審啦
我真係好想知政府儲左幾多料係手

Topvision.

回復 新.東方 #6 的帖子

最怕你所指果d料, 會係比機會人...插多佢兩嘢.....

新.東方

Topvision. 發表於 2013-10-23 11:21
回復 新.東方 #6 的帖子

最怕你所指果d料, 會係比機會人...插多佢兩嘢.....

我個人唔CARE果D料夠唔夠實在
因為我對多一間/少一間電視台無咩意見/立場
我只係花生友, 想知有D咩料

cableitoh

原本一樣好 simple 嘅事, 689 都要攪到滿城風雨...而家仲要用香港 taxpayer 嘅錢去打官司. 689 這條PK真係7到不得了!!

Topvision.

回復 新.東方 #8 的帖子

我同你唔同....
因為我真係想多個台.
而唔係多兩個又係零收視免費台啦.....

新.東方

Topvision. 發表於 2013-10-23 12:19
回復 新.東方 #8 的帖子

我同你唔同....

我覺得HKTV其實都只會淪為個位數收視台

Topvision.

新.東方 發表於 2013-10-23 12:20
我覺得HKTV其實都只會淪為個位數收視台

個人睇最大理由係無線一直貼住最靚頻道...

好多人都提出過依個原因啦....

你買部電視, 師傅幫你裝機之後, 無線一直係第一個制.... 好順手.

唔係魔童點會提出頻道拍賣

pang1100

曉之以理 發表於 2013-10-23 09:11
王維基 : 香港是法律大，政策大，還是特首最大？

香港是法律大，政策大，還是特首最大？
香港核心價值 - 法律最大
雖然有時法官的判決, 使一般市民莫名其妙(雙非, 摑警, 難民呈請)
但法制完善是香港的根基

新.東方

Topvision. 發表於 2013-10-23 12:25
個人睇最大理由係無線一直貼住最靚頻道...

好多人都提出過依個原因啦....

一只手掌拍唔響
大家話TVB無進步無創新
其實香港黃金時段主流觀眾(即C9)又幾時有進步同創新
供求定律, 觀眾喜歡睇咩, 自然就拍咩...
稍為破格既創作(如天與地)收視慘不忍睹..

今日可以有好多人話撐HKTV, 鬧TVB
講真, 呢班人有幾多係黃金時段留係屋企睇電視呀...

Topvision.

新.東方 發表於 2013-10-23 12:33
一只手掌拍唔響
大家話TVB無進步無創新
其實香港黃金時段主流觀眾(即C9)又幾時有進步同創新

我全家人加上兄弟姊妹, 都無係屋企睇電視

都係上網煲劇

新.東方

Topvision. 發表於 2013-10-23 12:38
我全家人加上兄弟姊妹, 都無係屋企睇電視

都係上網煲劇

THAT'S THE POINT~!

Topvision.

新.東方 發表於 2013-10-23 12:39
THAT'S THE POINT~!

我以前都唔煲.... 但係當話題都係圍繞網上韓劇.....  先去煲上一煲

依幾年, 係完全無正正式睇過一套港劇

新.東方

Topvision. 發表於 2013-10-23 12:41
我以前都唔煲.... 但係當話題都係圍繞網上韓劇.....  先去煲上一煲

依幾年, 係完全無正正式睇過一套港劇

我就偏好日劇為主

老婆陪我睇日劇
所以我又會陪老婆睇港劇

hksunshine

one more choice , why not ??

hkmessi123

回復 controllboy #1 的帖子

689 成日玩語言偽術，不如早啲腳痛落台。

henry69

hksunshine 發表於 2013-10-23 12:58
one more choice , why not ??

讓市場決定誰可以留下