兩萬月薪冇人吼 !?

Topvision...

轉自太陽報專訊資料
連結全文 http://hk.news.yahoo.com/%E6%9D% ... 0%BC-224020762.html

東涌食肆請洗碗 兩萬月薪冇人吼
食肆難請洗碗工，地點偏遠就難上加難，東涌有食店月初以二萬元一個月請人「承包」店內洗碗碟工作，兼在洗碗地方裝冷氣，但不少人聽到位處東涌即打退堂鼓，最終該店請回辭職洗碗工「復工」。有飲食業工會稱，洗碗工作工時長、易勞損，一向難請人，坊間愈來愈多工場「代客洗碗」。

東涌馬灣新村的天廚菜館，本月初負責洗碗的夫婦辭職，老闆知請洗碗工難，故擬以二萬元一個月外判洗碗工作，無勞工福利及強積金，幾乎全年無休，總之要應付食店每日早上六時至晚上十時半營業時間內所有碗碟清潔工作，老闆的兄長樊先生稱：「總之出兩萬蚊，你一個人做或者搵親戚朋友幫手洗都得，唔想再為請洗碗工煩。」

月初該店另貼招聘廣告請樓面及送貨司機，但至上周也請不到人：「請樓面、請送貨司機都無咁難，中間有人打嚟問，但一聽到東涌就打退堂鼓。」樊稱，其實十六小時多的營業時間非時刻都有碗洗，僅早餐及午飯後較忙，下午三至六時較清閒，地方有冷氣亦乏人問津，結果日前決定與月初辭職的夫婦再度合作，但無透露新的聘用待遇。飲食業人士稱，洗碗工現平均月薪一萬二千至一萬三千元，普遍工作十小時，二萬元月薪有點誇張，但難請人是事實。

全年無休每日早上六時至晚上十時半營業時間內所有碗碟清潔工作, 唔好以為兩萬易搵呀.......
題外話呀, 以前識位女士母親, 都做過幾年洗碗, 傷咗腰骨, 基本上就咁一世.
如果真係要易請人, 工作環境比金錢來得重要呀....
可惜, 吋金呎土, 今日比到2平方呎佢地企, 都唔易見

winner20099

回復 Topvision... #1 的帖子

請人難,難上加難

Vitokylam

咪以為好易賺, 其實'當中辛苦有誰知'.  

Topvision...

回復 winner20099 #2 的帖子

點會易呀.....

就算唔要你洗, 唔要你彎住條腰十幾粒鐘.  濕住對手十幾粒鐘都死啦.....

winner20099

回復 Topvision... #4 的帖子

揾洗碗機及即棄碗筷

Topvision...

回復 winner20099 #5 的帖子

香港又有幾多人, 夠錢租地方放部洗碗機呀..... 你都知香港地舖d租, 幾貴呀 ?  

即棄碗筷, 唉~~~  用得幾多年呀.....  帶出問題更多.....

feasible

世界真奇，有人無工做，有工無人做

winner20099

回復 Topvision... #6 的帖子

C hing你有什麽好見意

Topvision

回復 winner20099 #8 的帖子

我點會有好建議呀.....  

今日租金咁高, 有時望一望食市廚房, 細到根本唔可能放咩洗碗機.  見好多食市改用即棄碗筷, 但係東南亞軟木林, 餘下還夠多少年用 ?  用即棄碗筷同慢性自殺無分別, 今年夏天氣溫高到三十幾, 各人再係自私落去, 地球根本無可能住人.....

最好緊係「代客洗碗」啦, 可惜成本比用即棄碗筷高......  唔係太多人用.  

winner20099

回復 Topvision #9 的帖子

甚至最好自備,或在家做餸菜,但也會影响廚師,待應,老板,及業主的生計,永遠都沒有良方妙藥