醉遊仙境之冷戰

易服小天后 · 發表於 2013-8-23 11:14:20

5.

　「啊... ...赫同志，入面好似好多人吓喎。」
　「係啊林同志，你個個案咁有值得研究，好多猛人教授都嚟咗。我仲俾咗你部智能電話過佢地研究」話畢，赫魯曉夫推開門；只見暗室紅桌布，還有幾個布爾什維克黨員打扮的傢伙，還有華西列夫都在！

　「乜華西列夫你都喺度啊？」
　「唔止，等我介紹：呢位係勃列日列夫，仲有朱可夫。呢邊呢位係馬林科夫。」
　「乜今日唔係搵教授探討下時空咩，因乜解咁多位黨委... ...」

　「福，你個個案我地好明白，都有方法幫你解法，之但係有件事，蘇維埃需要你。」華西列夫看著他，眼發精光，好像把整個畢生功業都交給他，好像立平安紙似的。啊，這一切都交給你了！

　「大家都知道，史太林將偉大社會主義搞成咁... ...」朱可夫邊說，邊手舞足蹈心火猛燒！不錯，一生所奮戰的，開初一眾同志血汗開創的；都給那個最不起眼，成事不足敗事有餘的傢伙淘空了！還要對住流血汗的功臣，把那狗眼放到頭上向你判罪！小文員，你氣憤不？
　「咁多位... ...我唔做」福伯腳震震的震住說。他猜到那幾個乜夫物夫想要他幹什麼了！

　「家下唔係你做唔做，係我要你做。」馬林科夫站在一旁冷冷的說。
　「赫魯曉夫，帶佢落去準備。」赫帶點不忿，他媽的；你算老幾？命令我？

　他給那落難中國佬一個三吋鉛盒，告訴那中國同志史太林對他很有興趣，待會會見他時；偷偷把那鉛盒打開放在史太林房中的列寧像下，使成了。

　福佳心想，好樣的蘇聯佬；我幹完還釣當，以後都不會再上你的釣！

補充內容 (2013-8-23 11:14):
第一至四章: http://141hongkong.com/thread-1190359-1-1.html