[轉載]前台灣組合黑澀會美眉-陳佳佳涉性愛毒Party

人口 · 發表於 2013-8-20 11:28:57

前台灣組合黑澀會美眉、21歲嘅陳佳佳，今晨被台北警方於長沙街一豪宅揭發涉及性愛毒P，當時佳佳同其餘四女一樣，身穿比堅尼，同埸仲有四名男子。屋內查獲各式毒品，連情趣用品如跳蛋、按摩棒都一應俱全；屋內搵到嘅毒品亦「收穫甚豐」，包括K仔、安非他命、大麻、「神仙水」等。

今次警方突然大舉殺到，據悉係因為有人報料，指有人利用豪宅為掩護，藏匿其中大搞性愛雜交毒P。查緝期間，警方喺門外聽到震耳欲聾嘅音樂聲，但房內人拒絕開門，結果警方要動用工具破門而入。

陳佳佳喺現場被認出後，一直保持沉默。被帶走時，大批傳媒聞風而至，身穿綠色熱褲嘅陳佳佳一直用黃色外套遮面，狼狽避走。

涉及性愛毒P嘅黑澀會美眉陳佳佳，14歲加入黑澀會，今年21歲。入行7年，佳佳由清純少女變身惹火尤物，不時於網上上載火辣性感照，「碎料」如高炒自拍事業線，亦不乏身穿比堅尼、女女錫錫慾照。有啲party相更加係性感晒胸，攬埋一齊又錫錫，眼神迷離，唔通……飲大咗？