熱刺大軍名單公布 加里夫巴利鐵定來港！

man36951

熱刺大軍名單公布 加里夫巴利鐵定來港！

熱刺天之驕子加里夫巴利落實將會隨隊訪港，出戰今個月24至27日舉行嘅巴克萊亞洲錦標賽，亦意味呢位威爾斯國腳來季好大機會留隊。

⋯⋯ 早前一直盛傳加里夫巴利將轉投皇家馬德里，令人擔心呢位左腳王未必嚟到香港獻技，但賽會最新公布嘅熱刺大軍名單包括埋加里夫巴利，如無意外24日佢將會喺大球場出戰新特蘭，表演極速突襲同炮彈式勁射嘅絕技。

僅荷西保連奴唔嚟得
另外，艾迪巴約、柏加、艾朗連儂同丹普西等主將亦榜上有名，可謂非常「夫添」。唯一可惜是新加盟嘅巴西國腳荷西保連奴因為踢完洲際盃仍在休假，故無緣來港。

領隊保亞斯表示角逐巴克萊亞洲錦標賽對備戰新一季賽事有好大幫助，故熱刺對之非常重視，將全力爭標。

熱刺訪港大軍名單
領隊：保亞斯
門將：洛里斯、費度、靴里奴高美斯
後衞：基爾獲加、基爾洛頓、伊高圖、維頓漢、戴臣、哥爾卡、卡保奧、丹尼路斯
中場：艾朗連儂、安祖斯唐辛、加里夫巴利、侯度史東、迪比利、辛度雲尼亞里、柏加、積基李華摩亞、湯卡路爾、基菲爾施古臣、賀治比
前鋒：艾迪巴約、迪科爾、丹普西