凶兆呀！

jj99

這是否凶兆？香港將有地震、有海嘯，仲有政棍狀棍學棍神棍等妖業亂港！！

轉輯：
互聯網再次發揮其威力，因為一段短片而惹起「本港有地震、海嘯」之傳言。昨日不論在網上討論區、電話短訊，均廣傳一段有大量魚仔跳上岸的短片，隨即引起廣泛討論，更惹起「有凶兆、有地震、有海嘯」的恐慌。有魚類生態學專家相信與「凶兆」無關，估計魚仔「一係搵食、一係俾嘢追」才會跳上岸。
該段不足一分鐘的短片顯示，在碼頭石級位置有大量魚仔跳出水面，彈上石級，岸上多名消防員十分驚訝，不停撈起魚仔，放在桶內，更指「頭先都無咁多嘅、我成褲都係魚鱗呀！」
消防處發言人證實，前晚9時許，中環民輝街的中區政府碼頭發出異常聲音，附近的消防員查看後，發現有大量魚仔跳上岸，滿布碼頭石級，由於擔心會踩死魚仔，故利用工具將魚仔撈起後，再放回大海。發言人稱，當時停泊在碼頭的消防船正在當值(stand by)。天文台則稱，前晚9時許沒有收到地震或其他特別報告，故相信與地震無關。
浸會大學生物系主任黃港住表示，從短片來看，跳上岸全是活生生的魚，故已排除為海洋污染令海水缺氧引致大量魚類跳上岸的可能性。他稱，水面與碼頭梯級的高度相若，故跳上岸亦不足為奇，他更直言：「第一個諗法唔會係有凶兆」，並估計是因碼頭附近有燈光，吸引了浮游生物，再吸引大量魚仔游到該處覓食，並有可能是「俾嘢追」，追到碼頭與船隻的狹窄空隙，「走投無路」才跳上岸

hihihiaa

有一班人會話：係CY錯，CY下台。猶如當年落雨都諉過於董生一樣

FunForFunLa

咁使唔使搵班風水師黎預測下香港短期運勢呀  

Vitokylam

回應 FunForFunLa #4 的帖子

搵神棍聰.

on9chan

jj99 發表於 2013-7-10 06:27
這是否凶兆？香港將有地震、有海嘯，仲有政棍狀棍學棍神棍等妖業亂港！！

轉輯：

如有海嘯、維港賣緊兩萬蚊呎嘅豪宅、就福佳囉！

隨心

估5到仲有呢種預測!

hkpkboy

中環消防碼頭突然有大批小魚跳上海邊梯級，現場的人均大感驚訝，指前所未見。

以上影片乃youtube提供,與本站無關; 若無法觀看,可查看原網址。

Topvision

回應 hkpkboy #8 的帖子

我都覺得係......  凶兆.

污染, 海底工程..........  但似乎, 內地人比較關心香港政治多於香港問題......

谷村富郎

香港遠離地殼斷層帶,沒有地震和海嘯的問題。
如今有成萬條失魂魚仔跳上岸,意欲佔領中環(碼頭),凶吉未卜,最後只見(滅火者)用垃圾剷全部剷走,中環碼頭回復平靜,地仍舊是那片地,海仍然是那個海,一切無變,寓意深長......。

天大地大

佔領中環 ? !

Bigcar

hihihiaa 發表於 2013-7-10 09:17
有一班人會話：係CY錯，CY下台。猶如當年落雨都諉過於董生一樣

係吉兆好現像，遅啲生

Bigcar

Bigcar 發表於 2013-7-10 17:32
係吉兆好現像，遅啲生

末寫完，仲有生蝦、大石班、同大羔蟹，爬埋上岸香港人，好多都唔駛買餸有海鮮食。

殺馬

Vitokylam 發表於 2013-7-10 11:16
回應 FunForFunLa #4 的帖子

搵神棍聰.

仲要揾埋輸基塵日軍奇肚

殺馬

谷村富郎 發表於 2013-7-10 16:27
香港遠離地殼斷層帶,沒有地震和海嘯的問題。
如今有成萬條失魂魚仔跳上岸,意欲佔領中環(碼頭),凶吉未卜,最 ...

清除過萬妖魔鬼怪，中環回復平靜，咁應該係吉兆！

莊子仁

回應 jj99 #1 的帖子

港人大可放心 , 港是福地 , 百無禁忌 ,逢兇化吉。