番茄浸死隻豬八戒

ha2418 · 發表於 2013-5-31 07:16:50

健康飲食除左要注意食物營養均衡外，仲要注意通過食物提高人體免疫力。據說番茄有大量番茄紅素，對身體有益，梗係要食多D啦！

聽講番茄紅素係「脂溶性」，在油脂中先會更易分解被人體吸收。咁就不如用番茄黎炆個豬腩肉啦！

安番個血腥暴力名，因為整出黎成碟真係紅當當，「血」肉糢糊架！

今次我用左大大個番茄，共四大個成斤半有多，13元。

豬腩肉只係買一條就夠，19元。

豬腩肉洗淨調好味，燒熱油鑊，落薑片爆香，爆至表面微金黃。

此時倒入已切好既番茄，轉中火兜勻。

呢個送全程唔駛落水，就用番茄本身既汁液炆腍腩肉。

校中火係咁炆呀煮呀，煮至番茄爛成茄漿，豬肉腍，就可以調味，收汁至自己滿意既程度，即可上碟。

響上面落少少碎鮮茄粒，再插幾朵西蘭花仔，就更靚！

呢碟送既主角係番茄唔係豬八戒，茄汁用黎撈飯最正