雙咭雙待變雙咭三待無難度

macmak

前排响討論區睇到有師兄講到雙卡雙待嘅問題，我見過身邊有位台灣朋友响大陸用三叔嘅雙卡雙待NoteII好似好方便，唔使两部手機但又唔會錯過台灣來電，同一部手G又可以裝聯通3G卡响大陸上網同打電話。我亦都收過一部人地送嘅雙卡雙待電話，亦曾雀雀欲試，奈何呢部"酷派"唔係一部可達自己要求嘅水平，用咗半日就揼埋一邊，亦都無真正使用研究。

今次纯為深入追尋，因為最近自已都想入部三叔嘅S4，但要係雙卡雙待，唔使有時三部手G响身，一部裝聯通卡要黎大陸上網、Whatsapp, Webchat, email，另一部係打電話用裝咗中國移動一卡雙号(即係一張卡有齊香港同大陸号碼)，有時仲帶多一部LTE 嘅三叔Note II可以隨時翻到香港用4G。

不過我係纯粹從公務考慮，如果番大陸偷跳嘅師兄，又或者90%時間响香港用開4G，就全無如此需要喇。我嘅諗法就係其中一卡裝聯通3G卡用黎上網，另一卡裝中國移動(由于呢張卡係一卡两号，人地打我香港或大陸号碼都一樣通，响香港打番大陸仲唔使+86區号)，而LTE就無辦法只好獨立用翻4G手機，因為雙卡雙待目前只到3G，将4G卡插入雙卡雙待機，即係將4G down grade去3G。

好喇，响大陸屋企我就將部酷派執番出黎，拎咗一張PCCW電話咭同一張中國移動咭，两張卡都安放妥當，注意我呢部山寨機同三叔嘅Note II都只提供給其中一張卡有WCDMA功能，所以要上網張咭就耍放啱係WCDMA嘅Slot喇。

放好之後開機，手機就detect到PCCW同中國移動


從上方顯示條睇到有两個網絡的信号并已activated


打電話無難度，要打出電話，下方有1或2俾你想用邊個網絡号碼打出？


我故意選擇用PCCW用黎撥号，因為响大陸PCCW係漫遊，所以手機立即提示選擇嘅係漫遊号碼，好唔好選番本地網絡嘅中國移動？


發SMS一樣，冩好内容就可在下方選擇卡1或卡2發送


如果我唔係放PCCW卡而係放張聯通嘅一卡两号電話卡，咁我仲可以雙卡四待添。

張家輝

macmak 發表於 2013-5-21 19:17
前排响討論區睇到有師兄講到雙卡雙待嘅問題，我見過身邊有位台灣朋友响大陸用三叔嘅雙卡雙待NoteII好似好方 ...

手機一褲都係~ 都幾煩..............

macmak

張家輝 發表於 2013-5-21 20:12
手機一褲都係~ 都幾煩..............

無辦法，做marketing同sales都係唔想錯過任何一個電話。

張家輝

macmak 發表於 2013-5-21 20:19
無辦法，做marketing同sales都係唔想錯過任何一個電話。

咁你平時都起碼3個電話跟身架 ?

macmak

張家輝 發表於 2013-5-21 20:22
咁你平時都起碼3個電話跟身架 ?

两個就一定架拉, 要翻落香港嗰日就一定三個。

張家輝

macmak 發表於 2013-5-21 20:29
两個就一定架拉, 要翻落香港嗰日就一定三個。

咁你一般會戴埋電袋跟身嗎 ?

manunited_club

聽落又真係幾方便吖！

雪茄先生

呢個方法都真係work!

fk2004

這就是我用國產機的最大原因啦 ! 唔通要成日袋住兩部出街呀
我張聯通一卡兩號都是用來方便國內家人的 , 最起碼他們可以隨時打電話給我,又不用打長途
回國內又可以保持中港聯通我這張更加是全國通呢

macmak

張家輝 發表於 2013-5-21 21:30
咁你一般會戴埋電袋跟身嗎 ?

我無用電袋....所以我仍然用緊一個落雞啞放每日最多電話張卡, 好舊但貪佢可以講足一日.
電袋, 仲搞笑, 我地厰舊年向電子厰行家買左成500個電袋, 8000Amh成本價都百五人仔壹個,
用黎送俾客户供應商年夜飯抽奬, 因為客户年尾發信黎要贊助開口都五千一萬, 雖然唔係貴但量多,
每間送幾拾多者壹百, 但俾人閙到今年, 話冲壞人地部手機喎.....
之後同呢個電袋厰佬見到面都面左左

lawson.

其實幾咭幾待唔係咁的意思
最原先最普通的係單咭單待
即係一張咭一條線
後來出左所謂雙咭單待
即係你可以插兩張咭
但你只有一條線通話, 佢會不停咁switch兩張咭check signal
所以一張咭通話緊, 令一張就會變成無網絡
後來先有雙咭雙待, 即係兩張咭可以同時接收電話
你仲可以hold住一條線講另一條線添
我最跨張見過4咭單待
而你講果種, 其實係雙咭4(號碼)待啫

張家輝

macmak 發表於 2013-5-22 07:51
我無用電袋....所以我仍然用緊一個落雞啞放每日最多電話張卡, 好舊但貪佢可以講足一日.
電袋, 仲搞笑, 我 ...

真係冇陰功~ 你地先係受害者~ 你地有冇同事用過個電袋 ?

walkerkwan

聽落又真係幾方便

watsons

以前在內地工作
幾個手機
當時最快cdma上網

我一邊覆電郵
一邊坐車
番到公司同事嚇一跳
話五分鐘前才收到我電郵
以為我有排未到

以前我每日收及回覆100個電郵

similansai88

双卡的note 2绝对是方便，我经常香港大陆两边走，一直用开两张卡。所以现在需要一部电力足够的双卡智能机。