發水郵票

patrickchui2001 · 發表於 2013-4-5 20:54:13

各位師妹師兄，相信大家對“發水”呢兩個字唔會陌生。
舊時細路仔，聽得多“發水麵飽”，漸漸大個，聽得最多就係“發水樓”呢三個字。
今日，我同萬能俠師兄去旺角逛街，經過了好旺角購物中心，見到多一樣“發水”的東西，就係“發水郵票”。嗱，有圖有真相，依家就同大家講下點樣“發水”。

大家細看以下掃描，下面嗰張係法國喺2013年年初發行的蛇年郵票小型張，一個郵票，面值0.63歐元，相當於港幣6個幾。

但係，它的售價（連一張折卡）售價便是3歐元，相當於港幣30個幾。

即係說，發水了2個幾歐元。

發水的原因可能係因為呢張郵票係特別版，發行數量只有75,000張。相對上，比郵票的數量少很多。基於這個原因，我買了3張留為紀念。每張賣40蚊，買嗰陣都幾肉赤（鬼叫自己洗濕咗個頭）。

有關兩者的數量，請參看以下的新郵報導（用法文撰寫）。

除了這張“發水郵票”，香港郵政過往也發行過“發水珍貴郵票小冊”，一套郵票原本面值只有拾零蚊，以“珍貴郵票小冊”形式出售就“發水”到叁拾幾蚊。都幾識揾錢！！