港球會有望加入亞冠行列！

man36951

港球會有望加入亞冠行列！

香港又有機會爭取加入亞冠！喺上個月中嘅亞洲足協競賽小組會議，就提出2014至16年亞冠盃改革方向，希望由而家只有10個會員國參加，擴闊到23個會員國，意味住目前亞洲足協會員排名23以內嘅香港，都可以申請參與2014年嘅亞冠盃。

早喺3月12號，亞洲足協已經公布有關消息，而具體詳情就會留番1⋯⋯1月先再公布，不過呢項消息對香港嚟講其實相當重要。新嘅亞冠盃改革方向，將會容許亞洲足協嘅評分嚟決定參賽資格，呢個評分唔淨止係世界排名，當中仲包括本地球會嘅亞洲賽成績同代表隊嘅成績，仲有聯賽職業化程度。而達到600分嘅會員國，就可以爭取亞冠分組賽資格，而東西亞各前5名國家就佔咗14個分組賽席位，淨番嘅就要打外圍賽。

根據2012年嘅亞洲足協排名，香港球會嘅成績喺亞洲排大約20位，東亞區排第9。若果連同聯賽系數嘅話，香港大致可以肯定係前23之內，因此，香港球會2014年大有機會可以申請參加亞冠嘅外圍賽。而嚟嘅本地甲組聯賽冠軍名銜，相信會比以往更具吸引力。

tommylam2013

吾知系好事定壞事

JIMMYBOY

計埋入坐率.....爭入亞冠

yamamoto

亞冠嘅外圍賽唔易打架
我諗南華同傑志踢完兩場外圍賽後
就可以轉返踢亞協了

Kick Off

希望呢個可以係推動香港足運既動力

man36951

.港甲隊下季無緣踢亞冠

亞洲足協常務委員會決定明年起擴大亞洲冠軍球會杯參與的國家及地區數目，由目前最頂尖的10個國家、地區總會參賽增至23個，這意味著香港球會未來有機會出戰該項亞洲最高水平球會賽事。香港足總行政總裁薛基輔預期，來季港甲聯賽在亞洲足協的評分應未達亞冠杯標準，香港球會或要等到2014年至15年球季才可申請踢亞冠杯。

評分尚未達最低標準
根據亞洲足協常務委員會決定，排名前二十三的國家及地區總會轄下球會只要獲得亞洲賽事參加資格，就可申請角逐亞冠杯，但前提是當地聯賽要達到亞冠杯評分最低標準。薛基輔昨晚表示，來季港甲聯賽的評分尚未達亞冠杯最低標準，預期香港球會未必能在下個球季角逐亞冠杯，他說，規劃中的新職業聯賽是以達到亞冠杯要求為發展目標，有這個在2014年至15年開展的聯賽，評分可達到亞冠杯參賽門檻。

yamamoto

其實香港球隊首先要提高自身水平
依家連亞協都未必出到線就想去踢亞冠
出到去只會俾中日韓球隊任意魚肉
就好似印尼足球水平係香港之上
但佢地去到亞冠真係比人數唔少
以下係佢地係亞冠既慘痛經歷
2000亞冠：水原三星(南韓) 6-2 三寶壟
2001亞冠：望加錫 1-8 水原三星(南韓)
2003亞冠：城南一和(南韓) 15-0 佩斯克
2005亞冠：山東魯能(中國) 6-1 望加錫
2007亞冠：上海申花(中國) 6-0 佩斯克
2009亞冠：FC首爾(南韓) 5-1 斯里維加亞
2009亞冠：山東魯能(中國) 5-1 斯里維加亞
2009亞冠：大阪飛腳(日本) 5-0 斯里維加亞
2010亞冠：長春亞泰(中國) 9-0 佩斯普拉
2010亞冠：全北汽車(南韓) 8-0 佩斯普拉

如果香港既球隊出到去亞冠又會掂呢
大家心中有數

TimothyLau8784

如果場場輸幾球真係唔係咁好.....

man36951

回應 yamamoto #7 的帖子

始終認為多點機會與高手過招, 才可更來更大進步. 當然, 搞好青訓也是最重要的

man36951

回應 TimothyLau8784 #8 的帖子

輸多幾次, 肯去改進, 就是進步的源頭.

joychan

有得玩好過無得玩