手機&App版 2013第一個遊戲

張家輝

acynbd 發表於 2013-2-6 00:43
回應 雞虫大支 #1 的帖子

只是支持而已！请不要见怪！

首先我好多謝你回覆同瀏覽四台~
不過我發現你之前連續係不同版區既留言都係一模一樣果句【只是支持而已！请不要见怪！】

根據版規, 我斷定為無意義回覆, 屬於灌水行為~

http://141hongkong.com/forum.php?mod=redirect&goto=findpost&ptid=782003&pid=29874129&fromuid=309019
2. 嚴禁於版區洗版，於版區洗版，或發出無意識文不對題回覆，
    如有發現，初犯會口頭警告及扣分，再犯會即被禁止發言，以示處罰！
    (任何人之回覆有冇意義，由版主決定)

同時亦觸犯論壇規則 !

http://141hongkong.com/forum.php?mod=viewthread&tid=62704&fromuid=309019
5. 嚴禁會員惡意灌水及洗版
灌水的定義是, 發表無意思, 無內文或只有表情無文字. 或於短時間內在相同或不同的版區作出多篇並無個人見解的回覆.
洗版的定義為, 一篇文章之內連續分帖作出回應. 或是同一個版區之內,連續多次發表相同或不同的主題.
為增加討論區的可觀性, 所有洗版或灌水的行為, 一日內不得超過五篇, 否則視為洗版論.
違規者會被禁止發言三日及扣分, 所扣的分數視乎違規者的情況, 一般將 X-5 作為所扣分數.屢勸不聽者將會被禁止訪問.

就你呢種行為我決定扣你分以作警示, 希望你日後會有改善~

iamamannow

肥DoDo 發表於 2013-2-6 00:14
抵乃屎~

咪一樣跌落水

mungchacha

我算好好彩
用手機咁耐，只係試過攞部Nokia去整過一次
反而用智能手機，暫時由Windows Mobile 到iPhone都未試過去整

不過都有D趣事同用手機有關
我用數字台好耐，以前，數字台有個維修同客戶服務中心
咁有次要更改服務咪走上去囉

等咗好耐，到叫number
埋去坐底，講過電話number話禾想收服務
跟手職員問禾係唔係機主
我話係
之後佢同禾講，先生唔得喎，要機主親自嚟至改到
我話全名比佢聽，加埋身份証number no.
佢都係話唔得 (佢又冇問禾攞身分証，禾又無拎出嚟)

禾話：「明明禾係機主，點解唔得」
職員：「先生，你要叫X小姐親自來至得」
禾：「乜小姐呀」
職員：「電腦顯示機主係x小姐，先生乃雖然有佢全名同身份証 number，但都係要機主親自嚟」
禾：「禾比禾身份証乃睇」
職員：「先生，乃比身份証冇用，要X小姐自己身份証至得」

禾：禾咪係乃講嘅X小姐囉。呢張禾身份証，相、名、身份証 number都一樣，你同事之前有冇攪錯

職員：「先生，真係喎，乃等等，禾叫上司出嚟幫乃改番」

就係咁，無端端變咗小姐

雪茄先生

mungchacha 發表於 2013-2-6 11:59
我算好好彩
用手機咁耐，只係試過攞部Nokia去整過一次
反而用智能手機，暫時由Windows Mobile 到iPh ...

哈哈，呢單野十個趣呀！

但條友都好蠢下

viviantracy

大約幾年前，我部手機突然熄左，開又開唔返，差電又無反應，插電腦又唔著，咁咪攞去維修中心囉，一入門口，去攞飛仔，等叫籌，終於輪到我，有個女職員為我服務，佢唔太高，但幾靚，幾清純，所以好有印象

我坐低就話: 我黎整手機，部電話short左  
她: 咁你部電話要擺低比師父check check，你而家要比左二百蚊檢查費先，大約一星期會有同事覆你部機咩事，同埋報埋價比你，整就免檢查費，到時整幾多錢就扣返二百蚊，清唔清楚?
我話:清楚，唔該晒

之後我就同朋友食飯，食完飯搭車返屋企，我上到巴士，巴士好多人，我走上上層，見到佢坐係中排，我咪走過去坐佢隔離囉，只見佢望住街外，眼濕濕，好唔開心咁，終於佢忍唔住流眼淚了，兩行眼淚不停流，喊到個妝都溶溶地，佢打開手袋搵紙巾，搵唔到， 因為佢無，我比左張紙巾佢，佢接左， 我又再就成包紙巾遞比左佢, 跟住講: 你袋住包紙巾啦，你需要佢
佢唔太好意思咁話: 唔係幾好既．．．
我: 得啦, 包紙又值錢，況且我仲有多一包 (因為我是鼻敏感的人, 成日會流鼻水, 所以隨身都會有紙巾)
她: 咁．．．唔該晒啦，你真係好人啦
之後她就全程無出過聲，仲好唔開心，半小時後，我到站落車，其實有點唔捨得，但佢竟然係同我同一個站落車

落車後我問佢: 你應該唔認得我
她: 我認得你，你頭先黎整手機
我扮驚喜: 你一日見咁多人，咁你都認得
她: 認得，認得
我: 你住呢區架? 我平時搭巴士返屋企，好似唔多見你
她：我唔係住呢區架，我黎搵朋友，我有個朋友係外國返黎，我今晚去佢屋企玩，頭先．．．真係失禮．．．我未講我叫咩名添，我叫阿MOON
我：我知你叫阿MOON，你頭先心口個名牌話左比我知啦
她：你成日留意住女仔個心口？？？
我：唔係呀．．．其實係．．．
她：我講笑咋，你叫咩名？？？
我：我叫阿樂．．．

之後，我同佢行左一段路，其間有講有笑，大概十分鐘後，終於要分開了
她：我到啦，我朋友住呢楝大廈，拜拜啦
我好唔捨得：好啦，拜拜啦
佢行前左幾步，之後轉身，微笑住咁同我講：唔該你包紙巾呀
我也微笑點點頭，我企係度望住佢個背影遠去，直至進入該大廈，消失了

一星期後，我收到電話，內容係部手機要整幾多幾多錢，我最後都係決定左整
又再多一星期，再收到電話，話部手機整好左，攞得啦

當晚，我即刻上去攞，因為好有衝動想見到阿MOON，到左維修中心，但就唔見阿MOON
有個女職員比返部手機我話：先生，整好左啦，你返屋企check下有無問題，有問題就攞返黎呢度．．．．．．．．．．．．
我無心機聽佢講野，問：E．．．唔見阿MOON？？？
女職員: 阿MOON．．．佢辭左職無做啦．．．係喎，佢好似有份野比你
女職員比左個封左口既紙袋我
我好無心機攞埋個紙袋就離開了

我一直沒有拆過紙袋，直至回到家中，坐定定，先拆開紙袋睇下咩黎，裡面裝著一包紙巾，紙巾上面黐左張字條，寫住：謝謝你　MOON

從此以後，我再沒有見過阿MOON，只有記憶中的阿MOON
每次坐巴士返屋企，都希望見到阿MOON，但．．．

雪茄先生

viviantracy 發表於 2013-2-6 17:50
幾個月前, 部機突然熄左, 開又開唔返, 差電又無反應, 插電腦又唔著, 咁咪攞去維修中心囉, 一入門口, 個知 ...

搞錯呀，係度賣關子。。。

快d返黎出賣下集！！

mungchacha

雞虫大支 發表於 2013-2-6 15:57
哈哈，呢單野十個趣呀！

但條友都好蠢下

佢真係蠢咗D

不過最後先知竟然會入錯性別

雪茄先生

mungchacha 發表於 2013-2-6 18:41
佢真係蠢咗D

不過最後先知竟然會入錯性別

身份証號碼一樣就應該醒水啦 =.=

fd-lkt

無詳特別有趣回憶 等投票算了

viviantracy

尋晚打呢個post打到好夜, 希望各師兄支持

dopod1234

都好耐之前嘅事，當時用iPhone 3G 成日都有死機

當時用3台，上去維修換過一次機，但都有事，過一排又攞上去

冇換到機，但又有問題，又上去，連續2日，又係同一個女仔，

我就問點解唔換機，只答更新咗軟件，當然我不停問東問西，差啲問埋佢幾點收工，

佢可能覺得我好煩，用張紙寫（會發熱）我就醒目話部機發熱，佢就又收低。

冇講嘢叫我2個鐘再番嚟，上去時門口見到佢出去，我就問佢今次有冇換機，佢笑笑就答有

之後細聲講，櫃台有錄音所以你要口講，嗰次又真係有換新機，哈哈

雪茄先生

fd-lkt 發表於 2013-2-7 03:46
無詳特別有趣回憶 等投票算了

仲有幾日就投票架啦

重炮手

我跌都冇壞, 只係每次電池打柴, 先換機....都冇維修過

rabbit2000

雞虫大支 發表於 2013-2-4 17:11
大家好，今次係小弟第一次主持遊戲  

個遊戲係咁既↓↓↓

呢件事已經喺六、七年前嘅事，當時我用緊嘅手機係”冇得撈嗱”都幾hit嘅型號，係何韻詩賣告白個款。呢日接近黃昏，合該有事，天色驟變，風雨欲來，其實已經落出雨，我剛啱搵完一個相熟嘅USB叫May May鬆骨，完事後走到街上，雨勢雖然唔係好大，但地下已經很濕，呢個時候好衰唔衰，一時跣腳，爭d仆在地上，雖然最後企返穩，手機已從袋中跌咗落地，執返上嚟發覺：斃!開唔到機嘅，走去電訊商門市問下點樣整返啦，d職員話要去維修中心度先有得攪，咁咪跟佢講個地址去囉。

維修中心喺旺區嘅商業大厦入面，上到去拎張飛仔喺度等嗌冧吧，冇幾耐輪到我，嘩，個心爭d跳出來，個職員小姐同May May一樣樣嘅，心諗咁快返咗工嘅，咪問佢：咁啱嘅，點知佢都幾cool架，話咩野咁啱呀，我地好似唔識噃，哎，睇真d原來真係認錯人，當時真係覺得係：深海靚斑---好魚呀!

不果故事未完，個女仔拎咗部機入去裡面，話轉頭同我報價，點知好快走返出嚟好cool咁話：先生，舊電池鬆咗啫，唔洗整。睇佢個樣，梗係以為我存心接近佢，真冤枉，走都走唔切啦!

故事完，多謝收看。新年快樂!

fd-lkt

回應 雞虫大支 #114 的帖子

收到 到時一定支持

張家輝

fd-lkt 發表於 2013-2-10 20:53
回應 雞虫大支 #114 的帖子

收到 到時一定支持

大家注意喇 ! 投票帖開左啦~ 去投啦~

http://141hongkong.com/forum.php?mod=viewthread&tid=1120675&fromuid=309019