全世界最大規模既人類大遷徙

我係分身

全世界最大規模既人類大遷徙
每年一次既中國春運!
睇到春運既情況,其實好心酸!美國佬年年聖誕節係國內返鄉下多數搭幾個鐘飛機就搞掂;但中國既同胞過年返鄉下,就好多都要左撲右撲,零下十度排通宵都係為左一張火車飛,買到火車飛啦,又要坐幾二三十個鐘火車返鄉下,買到坐位都開心,買唔到就要企幾十個鐘,亦唔少人因為火車飛難買,所以幾年先返鄉下一次

一年,甚至幾年先可以返屋企一兩次見到自己父母老婆仔女,呢種心情我永遠唔會明白,因為香港人身份既我實在好幸福,日日都可以見到父母老婆仔女,覺得係當然既事!不過用心去感受過大陸春運既情況後,我就流左眼淚

http://v.youku.com/v_show/id_XNTA4OTA5MjM2.html

弓長張

中國就是人不缺.......
能活在香港已是幸運！

lingjie

每年也有春运，但每次总使一团糟。。。唉

我就在這裡

回應 我係分身 #1 的帖子

相比起來非洲角馬, 美洲大蝴蝶的遷徙實屬小兒科....內地旅遊當局應辦些什麼觀光團招呼一下老外...
參觀, 參觀...

bogus_chan

It's interesting, I wonder if they keep statistics on it to see how much people change over time.

05ho

因為D民工窮，無錢坐飛機，只可坐火車。

abcshift

強國太強大

gogogogo

回應 我係分身 #1 的帖子

從前香港本地有足夠就業和發展機會, 但宜家就無呢支歌仔唱, 特首都叫香港年青人向北找機會, 香港人參與春運的日子不遠矣.

macmak

春節正係體現中國人對親情對家庭嘅追求,
第一, 世界上無一個國家有中國咁多人, 而两.三億人次嘅流動絶對唔係小菜一碟!
第二, 人口衆多嘅國家却唔一定有咁重嘅家庭觀念, 過年要一家團聚

唔好以為只有强國先有民工返鄉潮, 寳

ctedjack

回應 我係分身 #1 的帖子

從積極角度睇, 中國需要高鐵, 用以極速疏導國民回鄉潮

macmak

ctedjack 發表於 2013-2-3 19:23
回應 我係分身 #1 的帖子

從積極角度睇, 中國需要高鐵, 用以極速疏導國民回鄉潮  ...

中國嘅高鐵四縱四横基本已成格局，一千公里以内坐飛機已毫無價值，不過地大人多，起多一倍都對春運幫助不大，因為春運係短時間多人流，今年嘅高鐵飛跟普通火車票一樣難求！

juneway

提高人民知識水平，注重鄉下既教育發展同埋生活條件，人們減少到大城市打工，就自然可以避免呢D情況。

macmak

juneway 發表於 2013-2-4 11:37
提高人民知識水平，注重鄉下既教育發展同埋生活條件，人們減少到大城市打工，就自然可以避免呢D情況。 ...

師兄此言正是，今曰珠三角開厰嘅人都話請人困難，點同十年八年前貼張街招响廠門口，一陣就二三百人排隊等見工，皆因大陸人有錢咗喇，城鄉差別拉近咗，内陸已經唔係過往嘅窮鄉，好多工仔寧可賺少啲，係鄉下花费開支少，唔再出城打工，呢個係大陸經濟發展帶出嘅變化。
如果話城鄉距離拉近，人就唔再出城亦非如此喎，你睇台灣就知喇，咪一樣好多年青人爭往去台北桃園打工，過年咪一樣搶購車票火車票南下返鄉，只係大陸嘅缩影版而已。始終大城市相對機會更多，“愛拼才會赢“就係鄉下仔出城打拼嘅寫照！

午餐獄

呢d情況十年前就有,近年已經無啦,以前深圳火車站排隊條龍長過彌敦道呀,e家見唔見呀??