511 - 散水前席？

見性成佛 · 發表於 2013-1-19 09:35:51

本帖最後由見性成佛於 2013-1-19 09:38 編輯

http://hkm.appledaily.com/detail ... &category=daily

TVB每手拆細　谷股價

【本報訊】殼王陳國強為大股東的電視廣播（511，TVB）近來動作頻頻，繼上月委任柯清輝為獨立非執行董事後，集團昨公佈，更改每手買賣單位，由1000股更改為100股，入場費大降九成，證券界預期，TVB的交投與股價都有望提升。

入場費5.7萬變5700元
以TVB昨日收市價56.95元計算，每手1000股計入場費近5.7萬元，但更改每手買賣單位至100股後，入場費只要5700元，AMTD證券業務部總經理鄧聲興表示，將每手股份減少肯定會增加成交量，因為入場費降低，可以吸引散戶入場，對基金的吸引力亦會提高，「以前無流通量，基金想買都買唔到。」他又指，陳國強這步財技亦有助提升股價，「之前邵逸夫年代，TVB上市等於冇上市，股份冇成交、股價冇升跌……多人參與，股價較易上升。」

善玩財技的陳國強成為TVB大股東後，—直無參與日常管理，但集團的作風明顯與邵逸夫年代不同，其中管理層增加了跟分析員及投資者的溝通，又積極開拓內地市場，去年8月集團就獲發內地批出的營業執照，與上海兩間公司合作，發展內地節目發行及分銷的業務。

見性成佛 · 發表於 2013-1-19 09:36:55

本帖最後由見性成佛於 2013-1-19 09:37 編輯

利益申報，鄙人沒有任何 511 的利益，兼沒有做過功課

而且對其絕大部份電視節目深感厭惡

各位師兄又點睇呢隻股呀？

kkkalvin · 發表於 2013-1-19 14:35:45

陳國強D財技咁強, 點夠佢玩呀?

你唔比學費邊個比呀?!

見性成佛 · 發表於 2013-1-19 16:12:26

回應 kkkalvin #3 的帖子

假設王維基拿唔到牌，咁 TVB 好高機會仲係一台獨大，盈利持續增長，又無關散水事

假設王維基拿到牌，仲要同 511 鬥過你死我活，勝負言之過早，但總之 511 都係手持一個有政治本錢既牌

況且陳國強似乎係代客泊車，新入主除左佢，仲有台灣手機公司HTC創辦人王雪紅同投資基金 Providence Equity Partners（PEP)

王雪紅入得去，似乎想學蔡衍明咁，在國內如魚得水，佢想既不應該是散水，反而最好係渣更多 511，令自己更有話事權

站在 PEP 而言，如果佢自己睇淡，反而應該將手上持貨大 lot 大 lot 咁轉俾有錢人，相信有不少有錢人有興趣，這次拆細後多人玩令其持股水漲船高，再好不過

就咁分析，看來拆細只會對股價更有利

見性成佛 · 發表於 2013-1-19 17:06:06

打開幅圖，靚到不得了，不停創新高

但如此公司，又大隻，業務增長相對地慢，兼無甚爆炸點子 (唔科技又唔科幻)

老老實實睇息口，以 2 仔及 6 仔約 4% 息，511 應能炒上 HK$61

純討論架咋，話左鄙人討厭佢節目，就唔會買﹗

Yim · 發表於 2013-1-20 17:15:32

回應見性成佛 #5 的帖子

以前真系好少留意呢隻股票, 正如師兄話邵逸夫時代, 有上市等如無上市, 股價無上落又無成交. 但自從陳國强入主後, 股價節節上升, 財團當然希望保持勝果, 甚至更進一步. 然而半途殺出黄維基, 以此君以往作風, 亦都不打無把握之仗, 記得當年IDD之戰, 以格價超人橫掃各同業, 所以511日前有此動作, 因是未雨綢繆. 小弟估計政府再發免費電視牌照的日子, 應該不遠了, 在此同時, 我們也可以留意吓黃維基隻"城市電訊".

巴拉飛 · 發表於 2013-1-20 18:33:38

Yim 發表於 2013-1-20 17:15
回應見性成佛 #5 的帖子

以前真系好少留意呢隻股票, 正如師兄話邵逸夫時代, 有上市等如無上市, 股價無上 ...

同意!短線可看看。拆細並不獨只是財技,要加強流通量,此實屬無可厚非。
問心講,香港人之中,有誰不知曉TVB?但511的成交嘛,就算位列藍籌時也不過爾爾。
至於長線,其資本開支值得擔憂,相信511為了迎擊1137,削派息也無可避免;不過,511也不應當作收息股看待罷。

clementlau · 發表於 2013-1-21 00:53:41

無乜留意511, 傳統上這家公司非常investor unfriendly...總體上廣告收入跟經濟關連性大, 因經濟好, 多賣廣告.  你也沒有選擇...

長遠非常不睇好, 未來大家如何看電視難以預料, 可能所有節目都通過互聯網; 電視商只是其中一條非獨家渠道, 未來大家覺得電視服務是on demand?  還是8:30 回家追劇?  你認識廣告人, 他都會告訴你電視廣告佔總體廣告開支越來越低; 新電視台開就馬上跌啦.

短線絕無問題.  長線不看好, 不能跟中電和港燈比.

巴拉飛 · 發表於 2013-1-21 01:21:05

回應 clementlau #8 的帖子

師兄:請你講吓對燃氣股的睇法。(603、1083、1193、2688)

見性成佛 · 發表於 2013-1-21 18:45:04

本帖最後由見性成佛於 2013-1-21 18:46 編輯

回應 Yim #6 的帖子

在城電 (將會叫香港電視？) 爭到發牌之時，也就是它和 511 大燒錢特燒錢之時

發牌也許會沖喜一下股價，但長線… 除非魔童唸到好很強的盈利點子，否則應該會玩泥漿摔角

Yim · 發表於 2013-1-21 20:47:13

回應見性成佛 #10 的帖子

假如城電真的爭到個牌的話, 而要打泥漿摔角. 我相信大撒金錢應是魔童, 而非511. 因511经曆麗的, 佳視, 到現在的亞視年代, 都是憑着"一台獨大", 而無需狂燒銀紙. 但現在陳國強碰上黄維基, 假如511還是沿用以往的一套经營模式, 和孤寒作風. 我會傾向看好黄維基.