澳門榮記豆花雪凝香

havreyl

榮記位於果欄街口的老舖



浸透的黃豆用機磨成生豆漿



“撞漿”眞人騷每天都可在榮記見到



撞漿後靜待數分鐘，撇去浮沫就是豆腐花。

豆腐，可說是中國人一項偉大的創造，兩千多年來，以其簡單的製作、複雜的食法，滋養了多少的中國人！在澳門，同樣有一家麵店，以獨沽一味豆腐麵，養活了三代人。

“榮記豆腐麵食”現由第二代傳人李溢華、李溢章兄弟坐鎭。據李溢華說，早期的榮記以街邊車仔檔式經營，上世紀六十年代港澳通航，其父母就於內港碼頭一帶賣麵，店內牆上的剪報及舊照片見證了榮記的發展史。其後，李家在現址附近租舖做豆腐；一九七五年，“榮記”買下現址店舖，結束車仔檔生意，專心做豆腐麵食店。細算起來，已逾五十載春秋。

榮記豆腐出名香滑，就連前葡國總統沈拜奧也曾到訪，一嘗其為人稱道的豆腐花。老店舖面不大，長長窄窄，以前店後工場形式經營。大哥李溢華主力對外業務，細佬李溢章則全力負責做豆腐。兄弟齊心，雖則是傳統手法經營，業務卻見蒸蒸日上，自二○○三起開設分店，現在已擴張至五家。

敢於在“沙士”期間開分店，說明兩兄弟有膽色，細佬李溢章笑說是因為在“沙士”殺到之前新店已在裝修，隻好硬住頭皮下去。大哥李溢華則笑言做生意一向穩打穩紮，“跟足老竇交帶的去做！”即便現在已有五家店舖，他也不敢貿然開設新工場，按其說法：“客人就是慕名來食人手做的豆腐，一聽用機器做就話不會幫襯了，已經嚇窒咗擴張工場的念頭。況且，豆腐做多些容易，多些客源卻不是件易事呢！”

看來，生意向來像豆花般順滑的榮記，其實也有經營上的樽頸位。故而，做大品牌開連鎖店，目前並不在兩兄弟的考慮範圍，“做好自己”看來就是榮記的成功要素之一。

說到“做好自己”，李溢章不無自豪地表示，其製作豆腐的技術可以說是“從醜媳婦都要見家翁，到如今，客人都說是冇得彈！”十多年前，榮記生意漸好，李溢章放棄開車搵食，返舖頭接手豆腐工場。“自細雖然見過老竇做豆花，但無心裝載”，他說，“接手工場後從頭學起，不斷改良做法，直至到客人接受為止。”

豆腐製作步驟並不複雜，大致可分為浸豆、磨豆、煮漿、過濾、撞漿、成型等六項工序，但要做到又香又滑，卻是全憑個人經驗了。李溢章試過做出來的豆腐硬得像是橡膠一般，扔到地上可以完整反彈，“我諗極都唔明，照足步驟去做，點解會做出咁樣嘅豆腐？”有時，一桶豆漿撞出來的豆腐竟然似一堆海綿，唯有倒掉。“所以，品質控制好緊要，我哋十多年來都是用加拿大黃豆，貪佢豆質夠穩定，出品才有保證。”他說，“工場直至依家都用火水爐明火煮豆漿，火力均衡之餘，亦令豆漿有股淡淡焦味，咁至夠香！”

從早上八時開工，至下午二點左右工場收工，李溢章每天要做兩輪豆腐，大約用掉四十五公斤的黃豆。過程要細心、有耐性，而且少點氣力也不行。不過，李溢章樂在其中，“我好鍾意聞到啲豆香味，畀我做一世都唔厭！”

最後，李溢章敎了一招食豆花的秘訣：糖水毋需多，亦不要攪爛豆花，每一勺都由底直舀到面，就可以食到清甜滑溜的豆腐花了。

bullet

有“撞漿”眞人騷睇~

havreyl

bullet 發表於 2013-1-15 22:09
有“撞漿”眞人騷睇~

咁乃咪可以同kaka一齊去汰囉

bullet

havreyl 發表於 2013-1-15 22:13
咁乃咪可以同kaka一齊去汰囉

kaka 響加拿大喎~

havreyl

bullet 發表於 2013-1-15 22:15
kaka 響加拿大喎~

企2月11日早上7典会到香港

bullet

havreyl 發表於 2013-1-15 22:20
企2月11日早上7典会到香港

收到~

havreyl

bullet 發表於 2013-1-15 22:21
收到~

乃去接企枝

bullet

havreyl 發表於 2013-1-15 22:23
乃去接企枝

乃去接喇~

havreyl

bullet 發表於 2013-1-15 22:32
乃去接喇~

禾5得閒

靚爆鏡

有空一齊試試.

入肉

回應 havreyl #1 的帖子

現時掌舵人"亞華"係小弟十多廿年既師兄弟&老友&街坊...
吾怕講個"咪咪"大家知...
喺關前街既老店所用既豆腐醬汁同其它分店吾同咖,
秘密梗係吾可以爆晒出尼啦...
試過佢老店之後...其他分店原全吾係嗰回事...
信不信由你...
仲有;
佢既炸排骨...咖哩雞翼...手打魚球...雞腸都好懷舊好正咖!

jl1681

回應 入肉 #11 的帖子

而且, 你幾年前試, 仲正

入肉

回應 jl1681 #12 的帖子

小弟細細個嗰陣就住嗰附近,
以前阿媽成日都拖住我隻手仔去嗰頭買嘢&食嘢ge...
幾歲大就開始食榮記豆花咖喇,
現在就由我拖返住自己件"室豆窿"去嗰頭搵食囉...
食足幾廿年...
除左好食...仲好有人情味添...

ac_yctab

回應 havreyl #1 的帖子

Thanks for sharing the photos~

司加Q

美味甜品

god1228

唔錯
thanks for sharing

gouyi520

唔錯.美食甜品

SSSBBB

Good Good. thank you for share