區議員無力買樓：炒風離譜不公義

jj99

又一政棍想抽政府水！
回歸正路，叫政府檢討公屋居屋政策，做多D野改善經濟就業，早與大6溶合利用大6，政棍叫少D口號，幫政府做多D 以上既改善，叫少D乜乜落台啦！


【明報】今年樓價如脫韁野馬，市區500方呎二手單位動輒300多萬甚至400萬元，令收入不高的無殼一族只能望「樓」興歎，不斷儲錢都遠遠未夠付首期。28歲的沈... 雖在香港大學政治系畢業，又考得法律學位及法律專業證書，選擇從政並當選區議員，惟快要結婚的他仍是一個無殼蝸牛。
.... 現時在彩雲邨服務街坊。他與家人住過大埔大元邨，現居粉嶺華明邨公屋單位，他與任職護士女友本周五結婚，希望共築愛巢，惟暫時未有能力置業，只好計劃先租後買。他當區議員的人工每月約2.2萬元，選舉時曾向政黨借錢，現要還錢、上繳，加上街坊有紅白二事都要自己貼錢，每月真正袋約1.7萬元；女友做了幾年護士，收入2萬多元，現租住醫院宿舍。
二人現時大約儲了40萬元，這兩年經常睇樓，但只能眼看樓價飈升，儲蓄連三成首期也應付不到。「女友在威爾斯醫院上班，我們想買沙田樓，但200多萬樓已絕迹，例如沙田第一城有單位，由140萬升到160萬、200萬，到現在260萬也買不到，你說怎樣追樓價？」他計過，如果做九成按揭，也要多交近10萬元保險費，並不划算，還是計劃做七成按揭來得穩妥。他慨嘆：「現在樓價同人工完全脫節，如果早些能夠置業，生活一定開心好多。」
不止樓價貴，連租金亦炒上。根據差餉物業估價署公布的「私人住宅租金指數」，實用面積約430方呎以下的甲類單位，2009年10月為106.5，2012年10月則升至158.2，升幅達48.5%。兩口子要租同類單位，動輒過萬元。沈運華打算每月用9000元租樓，為了「慳得就慳」，租樓甚至推遲到二月農曆新年後，一月暫時各自住，「希望儲多1至2年錢到大約70萬，再睇吓樓市點。」

對於房協最近推出「置安心」優化版的青衣綠悠雅苑，實用面積平均呎價達6500元，二人的入息限額為4萬元，故沈運華與未婚妻沒有資格申請。他指身邊4對有意申請的朋友，都要問家人借錢少夠付首期。「兩人月掙3萬多才有資格，這個收入水平根本難儲首期，換言之政府係叫年輕人問父母借錢買樓。市民難置業，怎能生活得開心？」
有人辛苦儲錢買樓，有人容易炒樓搵錢，沈運華覺得如此現象實在太扭曲：「我們學習的道德觀念和平仁愛公義，和香港現在的現實環境完全是兩碼事。香港容許這些炒風，是否是我們樂見的社會？」他認為股市可炒，但房屋是市民生活必需品，「炒賣物業去到太離譜，就是不公義」
沈... 服務公屋區街坊，經常收到街坊有關房屋問題的求助，親身感受到私樓樓價貴，連帶公屋編配受到影響。他指出，彩雲邨不少公公婆婆跟新移民媳婦一起住，兩個核心家庭想分戶，但現在要分戶較以往困難，原因是輪候公屋人數愈來愈多。
沈....認為，兩個核心家庭未能分戶，家庭較多摩擦，樓價太高令那些努力儲錢買私樓的公屋居民覺得鞭長莫及，「如果看到可以達到的目標，例如100多萬，人們會努力向上爬，但樓價高到一個似乎怎樣努力都去不到的地步，叫人怎發憤？社會怎有流動性？」
沈運華很嚮往新加坡的模式，即政府為大部分居民提供俗稱「組屋」的公共房屋，他希望特區政府決心增加多些公營房屋，例如啟德新發展區應該增加公屋及居屋供應

kkkalvin

香港抽水政棍當道, 個個想過福利主意社會, 政府寸步難行!

lawson.

叫人落台其實有咩意思呢
有邊個上一定, 係一定可以搞好香港呢
我一直都話班政棍
只識破爛不懂建設
好心佢地諗下點樣搞好香港
好過哂時間叫人落台啦

yk8686

連咩叫市場都未識就走去當議員....香港真係死得.....

連財爺都話打擊左炒家, 仲賴炒家

自己無能等人幫就叫 "和平仁愛公義"?

講真佢同未婚妻月入>40K已經好過好多人,

想搵個籍口比自己唔去發奮既,

咪辭晒工去拎綜援囉

車呀文

市區樓，高層有海景, 我都買唔起...

肥叔叔

lawson. 發表於 2012-12-31 10:03
叫人落台其實有咩意思呢
有邊個上一定, 係一定可以搞好香港呢
我一直都話班政棍

佢地既工作就係叫人落台,
再邊個上, 又叫落台,  
佢地既工作永遠都有得做落去麻

ed1234

請各位師兄,了解以上的真實事例,我身同感受,唔好鬧人,樓價過去一年已升了很多,梁特首無法為我們小市民控制已瘋狂的上升,只維護為業主的利益,假如他願推出租金管制才是造褔社會,才是好特首。

454

yk8686 發表於 2012-12-31 11:28
連咩叫市場都未識就走去當議員....香港真係死得.....

連財爺都話打擊左炒家, 仲賴炒家

一早上任就専注 起番居屋 多建公屋...... 咪 冇甘多野講.....
派得 3幾千個 籌... 有Q用咩 ....
冇 Plan....去增加 supply.....  得個 up...字....

等正苦  打撃...... 算9掃把 la..

454

肥叔叔 發表於 2012-12-31 15:19
佢地既工作就係叫人落台,
再邊個上, 又叫落台,  
佢地既工作永遠都有得做落去麻

agree.
正棍
吾亂...就冇左 市場 value...
老虎都要  亂

jj99

「.... 人們會努力向上爬，但樓價高到一個似乎怎樣努力都去不到的地步，叫人怎發憤？社會怎有流動性？」
最白芝的一句！  
人們會努力向上爬 只是為層樓 ？！
個人發憤唔發憤 不只是為樓為錢，可以是為了其他理由：
為個人恩怨（唔想比人睇小）、個人性格
為家人生活過得好些
為社會公義真正的社會公義，和平、自由、民族尊嚴（例如甘地，不是長毛）
不是 政棍所說的什麼都要政府比的 「社會公義」！

肥叔叔

jj99 發表於 2013-1-1 08:46
「.... 人們會努力向上爬，但樓價高到一個似乎怎樣努力都去不到的地步，叫人怎發憤？社會怎有流動性？」
最 ...

各懷鬼胎, 將個人利益講成 (社會公義), 擺佢上神枱
嘩.... 憂國憂民呀, 既悲壯 又得人心

肥叔叔

454 發表於 2013-1-1 02:45
agree.
正棍
吾亂...就冇左 市場 value...

同果班古惑律C一樣,  成日都搵機會話可以告正苦索償
等佢地又有CASE做