要滅口嗎?

ZERO · 發表於 2007-11-21 00:28:03

響一條好細0既村落, 裡面d村民大家都互相認識0既, 雖然村仔細細, 但係竟然有著唔同0既宗教響度, 今日, 呢班唔同宗教0既隔離鄰舍響度傾計, 傾傾下, 有人提議左個好無聊話題!
「我地不如各自講自己人生中做過最壞0既事丫?!」
一個和尚就先講:「有一次, 我肚餓得滯, 就靜雞雞吼班善信唔為意咬左拜神0既白切隻雞雞脾, 成忽肉無左, d人仲以為菩薩顯靈, 插多幾注香添。之後我就成日借d意咬下雞脾咬下鵝脾, 到依家都未戒到肉!」
跟住, 就有個神父講 : 「有一次, 我飲到醉薰薰, 返到去告解室我以為係公廁, 響度痾左尿第二日又唔敢認, 我對住教會講大話!」
之後, 身邊0既道士就會無出聲, 一直沉默, 終於和尚開口 : 「喂~道士, 你又做過d咩壞事?」
道士再諗多諗, 就話 : 「我生平真係無咩壞事做過, 如果要講.....我就覺得自己最壞係守唔到秘密, 聽到咩都會同其他人講0既~」
和尚、神父 : 「#$%^%&!」