卿卿丁母憂含淚保家聲

閃電高達 · 發表於 2012-12-13 14:22:48

葉玉卿母親不幸於本月九日離世，侍母至孝的卿卿深受打擊，而昨日又被指因老公胡兆明財困而要回港拍戲搵錢救夫！為正視聽，卿卿即開記者會打聲譽保衞戰，以六點反擊不實報道，強調沒有財困，但談到家人時，她不禁聲淚俱下！

昨日傍晚六時半，葉玉卿在女兒胡芷欣（Victoria）陪同下於酒店舉行記者會，就某周刊指她復出為賺錢救老公胡兆明的報道作出澄清。卿卿主要作出六點反擊。首先表示之前以私人飛機做貸款的債務早已以1,400萬美元解決，但該財團沒有將飛機歸還，她遂向該公司提出訴訟，並即場提供相關的法律文件。至於有指胡兆明的網上上市公司破產，她說：「做生意有時賺有時蝕，係蝕咗2,000幾萬美元，但對佢嚟講蝕得起！」

否認銀行「蚊型」
此外，卿卿就私人追討、被指是蚊型銀行、賣屋還債及胡兆明名下Victoria Tower估價等四點逐一反擊，對於銀行被指是「蚊型」，她顯得有點勞氣：「到今日為止銀行有五十個員工，總面積接近二萬呎，咁多年都有錢賺，從冇蝕過錢！」而她多次強調會保留追究法律責任的權利：「會採取法律行動，唔只私人名譽上，甚至銀行都會，先生已經喺美國搵律師研究，香港都會搵律師。」她又直斥周刊連其大宅照也弄錯！當講到事件影響家人時，卿卿更眼泛淚光：「因為It's Not Worth It！（咁樣唔值得！）畀咁多麻煩家人好唔值得，今次返嚟係睇媽咪，唔係為賺錢養家！」並表示絕不後悔今次回港拍戲，但拍完此片可能不會再拍！

服安眠藥鎮靜劑
而卿卿母親在她回港拍戲期間，不幸於本月九日下午二時於香港離世，享年八十九歲。卿卿接受本報專訪時說：「當日剛開完廿幾個鐘，跟住返酒店，沖完涼瞓唔夠十分鐘接到電話話媽咪急症已送入院，所以一直唔敢熄電話，醫院都叫我有心理準備！」

一心回港拍戲順道探望母親的卿卿，說到此處不禁流淚：「我冇後悔今次接戲返香港呢個決定，因為咁先可以返香港咁長時間，可以陪到媽媽咁耐，拍戲以外全部時間都係陪媽媽，呢十六年來未試過畀到咁多時間媽媽（忍唔住喊），係少少辛苦，媽媽去世後，晚上仲要開工，食安眠鎮靜劑先瞓到5、6個鐘，又要再開工，好Proud Of自己做到，又冇話畀人聽，唔想影響全組人嘅心情！老公肯畀我返嚟，只係怕人亂講嘢，結果真係，到呢刻老公都冇埋怨過我，知道睇媽媽好重要，知我拍戲亦拍得好開心！」