Britain's Got Talent 的「弱勢社群」

smuck141 · 發表於 2012-12-13 13:15:02

Britain's Got Talent係2007年開始喺英國ITV播出嘅一個比賽節目，參賽這上到去可以表演任何野去娛樂大家，經評判篩選之後進入準決賽同決賽，由公眾投票決定冠軍。參賽者嘅表演種類五花百門，例如魔術、跳舞、雜技、人畜（例如2012年冠軍係一個人同一隻跳舞嘅狗），當然比較多人揀唱歌做表演項目。

節目播映以嚟，有一個特別嘅地方，係佢地會有啲超級其貌不揚（甚至衰啲講，所謂「樣衰」）嘅參賽者，即係嗰啲你睇佢嗰樣你會覺得佢嘅表演一定一撻糊塗，有啲當然真係咁，但係有啲係特登揾嚟俾個驚喜觀眾同評判，從而帶出一個好簡單但係好多人唔會放上心嘅訊息：

「千祈唔好以貌取人」。

第一個例子當然係2007年，首屆冠軍Paul Potts，呢個車房仔一走出嚟，成個觀眾席都有啲咀藐藐，睇死佢個樣有啲好似低低地就會衰硬，結果當然係嗰句：the rest is history。

以上影片乃youtube提供,與本站無關; 若無法觀看,可查看原網址。

第二個係香港人都好熟悉嘅「村姑」Susan Boyle，佢係2009年第三屆比賽嘅亞軍，47歲人一上台扭扭擰擰徐娘半老咁，似耕田多過做歌手，結果一開口，啞哂。

以上影片乃youtube提供,與本站無關; 若無法觀看,可查看原網址。

上屆2012年亞軍係一對組合，Charlotte & Jonathan，女仔正常樣，男嘅就 ... 完全癡肥（因為咁所以我特別有共鳴），成日俾人笑，搞到佢同人社交會出問題。你地可以睇吓啲觀眾同埋評判嗰個「睇吓你點死」嘅樣。當然，又一次驚為天人。我最感動係當評判問個唱得有啲普通嘅女子，會唔會驚自己嘅表現拖累個肥仔（當真係風水輪流轉），肥男一句：we come on here as a duo，we are gonna stay as a duo（我地一齊參賽，我地共同進退），贏哂。

以上影片乃youtube提供,與本站無關; 若無法觀看,可查看原網址。