|
|
一篇幾好的文章
美國購物旺季有個好開始，在「黑色星期五」旺丁又旺財。感恩j節後四天零售總額達到591(億美元，較去年增長13%，購物人數亦上升一成至2.47億人次。網上銷售仲勁，較去年大幅增長26y%！不過，零售利好消息未能進一步推高大市。除了歐洲銀行股大跌，歐洲股市下挫，打擊市場氣氛外。美股此前已經連升五日，杜指大漲460點，都係時候回回氣。
睇大市上日走勢，形勢又唔係好差，杜指朝早跳水92點至12900點已見支持，午後逐步回升，收市跌幅收窄至42點，報12967點，標普500指數跌3點至1406點，仍然企穩1400點大關。
蘋果的mini iPad及iPhone 5在「黑色星期五」及感恩節周末無做促銷優惠，無論係同類型產品銷量，例如亞瑪遜的Kindle，或網上銷售，例如ebay，都係一哥。蘋果公司股價昨日大漲3.2%，推動納指逆市造好。
蘋果由9月中的歷史高位702美元回落，一路係咁跌，共跌了198美元至510美元才喘定。不過呢幾日就認真威猛，六個交易日內，反彈80美元至昨日的590美元，累積升幅超過15%。
網友tgl_vl早前講到睇我文章的四種總結，真係可以用番來同大家講吓。佢話:「看了陸sir的blog都三至四年, 剛開始的三年, 都不知什麼叫投資(因為自以為是, 亂買一通), 又總是跟著他人,收到冧巴, 人買我買, 人沽我沽, , 就投進去! 總結過去, 贏少輸多! 今年年初, 自我反醒, 下注前, 不停以陸SIR以下的金句名言, 反覆提醒自己, 總算都叫做有一點點成績(又自以為是了)。」
「1) 老散重視炒作, 輕視投資: 炒作時隨著市場轉, 高揸低沽; 選股人講就信, 自己全無分析(現在都係, 但一般只會信陸SIR推介的), 買中食少少就走, 買錯蝕好深死坐; 買中贏幾格就不斷出貨, 買錯不斷溝淡!」
「2) 太陽底下無新事, 唔係有我哋這班老散, 人家大戶的豐厚年薪和花紅, 是怎麼樣出來的! 3) 華爾街没有什麼新的事物, (香港)亦都没有可能有什麼新的事物。4) 溝貨是向上溝, 向下係應該止蝕, 引刀成一塊, 手起刀落. (不知道有没有錯)」
tgl_vl已經總結得好好啦，將我經常講、顯淺到不得了的道理講番出來，問題係道理的確淺，但做到的人唔多。世上沒有無敵的股，只有必輸的人。必輸的人窮一生精力去找無敵股，以為好易搵到升10倍的股票，結果就跌入大戶布下的陷阱中，輸完又輸，輸完再輸。
好多散戶犯錯第一係出發點錯，以為投機好過投資，以為投機快，投資慢，唔知道好多人投機只是找一個快的方法送死而矣。散戶第二個錯誤是方法錯，將投機當投資，或者投資、投機心態兩頭搖。搞唔清投機和投資，係最根本的方法錯誤。然後仲有輸就溝淡，贏少少就走人這些攞命「殺著」，輸一次輸舖勁，就贏十次都補唔番。散戶第三個錯誤係永遠唔會認錯，贏少少錢唱通天，輸多多錢唔願提，永遠唔肯細心翻開自己的錯誤歷史，學唔到嘢，就永遠走唔出錯誤。
所以一句總結，散戶係輸自己，唔係輸市場。 |
|
在線雷達
發表於 2012-11-27 22:39:20
廣播
置頂
超級提昇
強效提昇
推舊帖
收嗲鳥
油顏色
