王維基或就拖發牌照提司法覆核

t-shiper · 發表於 2012-11-9 13:31:10

【蘋果日報訊】免費電視牌照一拖再拖，商務及經濟發展局局長蘇錦樑昨火上加油，指申請者在未取得牌照之前投資，「係佢自己嘅一個決定」。有關言論令一直等待的城市電訊主席王維基無名火起三千丈，昨日再向當局開火，不點名批評蘇不負責任，又指政府的安排是對投資者不公義，表明不排除就此作出司法覆核。

蘇錦樑昨出席公開場合時回應牌照事宜：「有啲個別嘅申請者，喺呢個牌照申請程序未完成之前，決定自己作出呢啲投資，呢個係佢自己嘅一個決定嚟嘅。」他又表示，不會因為申請者的投資情況而繞過恒常的審批程序。

已申請牌照超過三年的城市電訊，至今已經投資3億元在免費電視台上，主席王維基表示，會考慮所有有效、合理和合法的方法，包括適當的法律手段爭取牌照，他接受有線電視訪問時說：「司法覆核喺所有嘅情況之下，都會係其中一個可以考慮做嘅嘢嚟架啦，絕對唔係代表我哋依家已經會take呢個action（行動），如果佢哋仍然係喺呢一種不負責任，或者唔嗲唔吊，又俾唔到時間表，又唔肯講出嚟所謂程序係指咩嘢，當然我哋嘅反應會比較強烈啦。」

他又澄清，該公司是建基於廣管局去年中確定他們完全符合審批條件，並建議特首和行政會議發牌，而開展投資。

王維基轟政府安排不公義。資料圖片

亞視動員集會　被批壓制思想

立法會議員涂謹申對蘇的言論極度不滿，「佢好似講到『你使錢關我鬼事呀？』咁，唔通你想個個拎幾頁爛鬼proposal（建議書）嚟叫你批咩？作為局長，你咁樣潑人冷水，影響其他人以後嘅投資意欲，相當離譜」。

另一方面，亞視昨日繼續動員員工出席周日集會，企圖夾擊城電，多名亞視員工致電本報投訴，「佢咁做，令競爭者少咗，我哋就業機會都少啲，惟有繼續喺亞視打工」。工黨立法會議員李卓人批評亞視做法或違反勞工合約，「我嚟唔係幫你請願架嘛，我嚟係做製作、做新聞，同埋你依家壓制員工嘅思想同言論自由」。勞工處發言人指，亞視有否違法要視乎僱員合約條款。根據法例若僱主修改僱傭合約前未得員工同意，便可能犯法。

TVB 不思進取，亞視又不務正業，一台獨大令到節目質素每況越下，2009年開始接納免費電視牌照申請，本來係觀眾的福音，業內同業外人仕都期待魔童的介入會為呢個行業帶來一番新氣象～
或者政府審批真係要過五關斬六將，但都冇理由確定咗申請人已經完全符合審批條件之後都仍然冇一個具體時間表掛，當初接受申請嘅時間完全無 planning，見步行步嘅咩？