英籍華人, 葡籍華人,,,,X籍華人

我就在這裡 · 發表於 2012-10-29 06:44:10

因港英時代旗仔ge出現,又引發呢個X籍的話題...

在外地生活過的華人可能都曾受身份的問題困惑....
華裔的身份變不了...但是那個地方的"華人"呢...
現時強大無比的中華人民共和國?......抑或是繼承清朝至今仍未衰亡的中華民國?....
兩條幹流都有令人憎厭, 令人愛戴的地方...但又衰在互不相容...
加上澳門出生的葡籍(人地認你)華人, 香港出生的英籍(人地唔認你)華人
自己都有點迷惘.....與外國人說起時都有點尷尬...
非友即敵陰影下.....與華人說起時亦得謹慎...
漸漸形成我只想我是一個"中華人", "一個中籍華人"

, "大中華人"...
兩岸四地都是屬大中華的, 都是從古代的中華演變出來的..承襲傳統中華文化的
有點像....猶太人...吉卜塞人的味道吧

annabellahill · 發表於 2012-10-29 08:09:40

兩岸四地...邊個會係吉卜塞人

klmok1 · 發表於 2012-10-29 08:49:34

中國人就是中國人，不論內地，台灣，香港和澳門都是中國。

一杯水 · 發表於 2012-10-29 10:00:39

中國人

made_in_HK · 發表於 2012-10-29 11:44:54

我是龍的傳人

一杯水 · 發表於 2012-10-29 12:54:37

中國人中國心

以上影片乃youtube提供,與本站無關; 若無法觀看,可查看原網址。

補充內容 (2012-10-29 12:58):
張明敏~~~我是中國人

ZidaneX · 發表於 2012-10-30 00:07:46

其實無論你咩國籍都好了，只要你堅持中華文化，你就是華人。原因好簡單，華人有一套禮法規舉，其核心就規劃好華人的一套處事方式，而且非常靈活。
我要去那里生活，只要俾我去，你要我轉國籍？OK我轉，但我入到籍之后你再問我系乜人，我照樣話自己系中國人。

我就在這裡 · 發表於 2012-10-30 06:01:58

回復 ZidaneX #7 的帖子

現在就係有極少數,極少數(請用袁木式口音講出來, 特別傳神架

)在港出生的人不認同"中國人"的身份....硬要獨特地說是"香港人"...
一如"廣東人"..."廣州人"..."順德ge"...""大良ge"..X鄉ge"...越分越細....認鄉里就話姐...
認國籍呀...唔好咁小家, 幼稚啦!!!...
"香港人"成立的話...第日會唔會有"九龍人", "新界人","大嶼山人"...甚至"慈雲山人"出現架??

LUCLK · 發表於 2012-10-30 22:28:05

細個既時候我都會話自己係香港人唔係中國人
因為每每返大陸見到d中國人都坐係路邊
個個樣黑黑好似好污穢所以都好抗拒仲成日食煙飲酒
好細個就有本bno 因為有家屬係做政府工
我老豆係好忠於老毛既人但我一直唔知
直到中學教到老毛搞起既文革我返到屋企同我丫爸講返起
老毛d衰野結果比人徹底教育左一輪...果晚真係...爽
一向我都唔中意返大陸更唔中意認自己係中國人
但填form 次次寫國籍我都係寫中國或中國香港
因為我知道我老豆的確係中國出生中國成長既中國人
而我的確係佢果粒中國籍既精子結合我丫媽中國籍既(輪)子所生
我都話過我係香港土生土長所以我係香港人. 但最後都係自欺欺人
我老豆佢只不過因為搵食所以黎左香港
我都問過佢有機會仲會唔會想做中國人
佢話細個窮無書讀無野食邊個會想做但呢個就係事實我係一個中國人
呢個係一個改變唔到既事實
就算你真係用bno 改左國籍但中國人呢個稱呼你係擺脫唔到既
國籍唔係單單話一本bno 或 passport 就代表左
你身上流既血你既血緣你既樣呢d都代表左你既國籍
fine 我係係香港出生咁點我呢個樣話你知我係英國人有說服力嗎?