(變哂質了) 出10K-15K/月請SALES 都請唔到人

我係分身

第一句: 有幾錢個月??
第二句: 咁即係幾錢個鐘先??
第三句: 一個月有冇八日假先??
第四句: 有冇飯鐘錢先??
話俾佢知分佣
佢第五句即話: 咁即係要努力做先得??唔可以HEA住做??
第六句: 咁我都係做7-11 了

香港搞成咁 真係要多謝果班為選票做事既議員

香港最可憐的人就係D小老闆
租金瘋狂的加
30k/月 兩年加到48k ,第四年加到60k
人工瘋狂的加
8k 一個 加到 13K,
港紙瘋狂的跌
對人仔.日元,乜差都跌
老闆唔係人
老闆唔洗養家
老闆唔洗生活
我一年365日,年中冇休
做到嘔,有班人就坐定定問政府拎這樣拎那樣
唔夠洗咩?? 就上街示威,問政府拎多D
這樣公平嗎???

午餐獄

老細配無良,伙伴配福街....係咁架啦

車呀文

伙記自在, 老世揼春袋

Bippwin

唓．講到做老細咁慘，做伙計咁盞．
你咪執咗間舖去打工囉．

伙計就冇錢去做老闆啫，老闆隨時都可以轉做伙記嫁啦．
有乜好怨啫．

自己間舖賺唔到錢，就要諗諗自己嘅經營策略，點解人哋賺大錢，你搵唔到食．
淨係識得怨人工貴，就不如去打工．

再唔係，散盡家散，再去申請公屋，攞綜援，都係一條出路．不過．．．
小心福利政策改變，到時綜緩冇啖好食．

又想賺大錢，又嫌辛苦嫌困難．世界啲錢邊有咁易俾你賺．

午餐獄

Bippwin 發表於 2012-9-21 09:51
唓．講到做老細咁慘，做伙計咁盞．
你咪執咗間舖去打工囉．

做學生最盞

一杯水

我係分身 發表於 2012-9-21 02:09
第一句: 有幾錢個月??
第二句: 咁即係幾錢個鐘先??
第三句: 一個月有冇八日假先??

初意為朋友是吹水、完來真有其事、内容對白甘似我個朋友個堂弟款
第一句至第四句全中
一個浸過2年鹹水話自己係榮譽生都甘高要求、甘碩士博士生要求咪重要高幾倍！

野狐狸

最大問題係....居然有人見工會反問老細<咁未唔可以hea住做?>
年青就係最搏殺的時候, 邊可以有呢種想法架?
呢個situation之下, 先唔好講老闆是否無良. 見工呢個求職者已經好無良

Topvision...

過清楚你請男定係請女.... 後生定係老嘢......

請人果時, 唔好一前望住人地個胸 望人地份resume啦.....

TOWINGWING

回復 我係分身 #1 的帖子

Yes,  this is true, I do agree. Small business is very hard to make a living. Just work hard and save money, tell the youngmen to eat shxt.

LUCLK

回復 我係分身 #1 的帖子

其實我要求唔高
一個月九千 一星期返五日 最好少DD OT
每日O 一個鐘我都OK既 年尾有雙糧 最好有培訓津貼
我讀左23年書 大學讀埋出黎呢個要求不過份丫

Bippwin

野狐狸 發表於 2012-9-21 10:52
最大問題係....居然有人見工會反問老細
年青就係最搏殺的時候, 邊可以有呢種想法架?
呢個situation之下, 先 ...

你就俾人洗壞腦．
年青人係享受嘅時間，點解要搏殺？
人人都搏殺，咪搞到全世界自私自利，唯利是圖．
hea 嘅人生觀係人哋嘅自由，同你講明係專重你．
你唔請係你嘅自由，但你冇理由貶低人哋嘅人生觀．
咁嘅態度，正一憎人富貴厭人窮．
人哋搏殺成功，就話人哋地產霸權．
人哋唔搏殺，就話人哋無上進心，攞社會着數．
人哋搏殺唔成功，就話人哋冇能．
總之，人哋就點做都可以俾你話，你做就乜都有理由．

new_579

你一定係小老扳勒!

野狐狸

回復 Bippwin #12 的帖子

根據香港網絡大典HEA的意思係「懶散」、「無聊」、「無所事事」、「漫不經心」、「隨意閒玩蹓躂」.
(http://evchk.wikia.com/wiki/Hea)呢種根本唔係人生觀, 而係一種缺點.
人人都搏殺, 只係表示在自己的崗位上全力以赴.
試想想, 如果你屋企人入左醫院, 醫生HEA住睇佢, 會有咩野後果. 如果你隔離屋火燭, 消防員HEA住救, 睇怕連你間屋都會燒通頂.  如果連農夫都HEA住做, 鍾意先去施肥, 唔LIKE果日就唔灑水, 睇怕你米就冇, 禾杆草都未必有得你食.
都唔知你點會將搏殺讀解做搞到全世界自私自利, 唯利事圖,憎人富貴厭人貧......
我好想一開始就話你先係捭人洗左腦, 仲要去洗人腦......不過洗腦呢個字近來用得太濫了. 總之講出其他理念通通捭人冠以呢個惡名(先聲明我唔係中共支持者). 那麼, 教細路仔孝順父母係洗腦? 教學生尊敬師長係洗腦? 佛教講五戒十善係洗腦? 基督徒同人講信主得救係洗腦?
定係你的辭彙不足, 表達唔倒你的意思. 那我教你一個正面的詞語.......教化  
有咩野人可以HEA? 就係果D企在無關重要的地方, 做無關重要事的人.
你要沉淪唔緊要, 請不要妨礙他人升昇華

Bippwin

野狐狸 發表於 2012-9-21 18:13
回復 Bippwin #12 的帖子

根據香港網絡大典HEA的意思係「懶散」、「無聊」、「無所事事」、「漫不經心」、 ...

所以人哋咁唔做老闆，唔做醫生，唔做消防員。
做一個可以 hea 嘅售貨員。

係！
教孝順父母係洗腦！教學生尊敬師長係洗腦！佛教講五戒十善係洗腦！基督徒同人講信主得救係洗腦！
點解唔係。

沉淪？唔跟你嘅人生觀就係沉淪？唔搏殺就係沉淪？
咁唔孝順父母係唔係沉淪？ 唔尊敬師長係唔係沉淪？唔信五戒十善係唔係沉淪？唔信信主得救係唔係沉淪？
咁世上有幾多人冇沉淪？

如果係嘅話，沉咪沉囉，關你丫事。
你鐘意昇華就昇華，唔好迫其他人同你一齊昇。
你鐘意信主就信主，唔好迫其他人同你一齊信。

重點係，我專重你搏殺嘅權利，唔該你專重番其他人 hea 嘅權利。

Bippwin

野狐狸 發表於 2012-9-21 18:13
回復 Bippwin #12 的帖子

根據香港網絡大典HEA的意思係「懶散」、「無聊」、「無所事事」、「漫不經心」、 ...

仲有，你對搏殺嘅意思根本自相矛盾。

>>年青就係最搏殺的時候, 邊可以有呢種想法架? (8樓)
>>人人都搏殺, 只係表示在自己的崗位上全力以赴.  (14樓)

講到好似年紀大咗就唔需要在自己的崗位上全力以赴。年紀大嘅醫生、消防員就可以 hea 住做？
其實，我哋一般認同搏殺嘅意思，根本唔係在自己的崗位上全力以赴，而係用最短嘅時間，搵最多嘅錢。正職比得少，就搵多啲兼職，根本就唔理自己嘅崗位係做乜，最緊要賺多啲。

嚴格嘅講，搏殺至係一個病態嘅人生觀，反而一般來說 hea 較為可取，當然 hea 的人生觀，並不適合做某些職業，他們亦沒有機會做到那些職業。
你認為搏殺係好，而 hea 係有問題，只表示你受到了別人的洗腦。

gogogogo

回復 我係分身 #1 的帖子

家家有求啦, 無可否認宜家做小生意的成本係高左好多, 競爭比以前大, 但都有商機架, 係睇你有無本事.

平心而論, 租金加, 你可以賴議員 (領匯, ..), 但港紙跌, 唔關議員事呀嘛.

但講起議員, 我真的好擔心標準工時立法的來臨, 這個真係"立不得". 香港無天然資源, 全靠大家拼博, 限晒工時, 即係叫大家早 d 返屋企抖, 限制左多勞多得的出現.

1234kenken

實有人肯努力做的