羽毛球 - 7月30日最新戰況報導

呀吓

經過兩日賽事，各單項形勢如下：

男單：
E組賽事：中國諶龍要用52分鐘直落兩局21:12，21:17，每局都係從後追上之勢擊敗泰國名將波薩那於分組賽出線16強！另外一定出線的有J組韓國7號種子李炫一及X組日本佐佐木翔！



女單：
暫時一定出線既只有中國3號種子李雪芮，佢已經相繼擊敗同組兩位對手一定能以首名出線16強！



男雙：
中國蔡贇/傅海峰兩仗皆以兩局擊敗對手，必定能夠出線8強，只餘一場分組賽事對台灣方介民/李勝木決定首名或次名出線！
中國郭振東/柴颷首仗輕取南非組合，仲有兩場要打，第二場對Russia應該問題不大，只欠第三場對丹麥勁旅鮑耶/莫根森爭取首名出線！

蔡贇/傅海峰


郭振東/柴颷


女雙：
中國于洋/王曉理亦都輕鬆穩取出線席位，只欠第三場對韓國鄭景銀/金荷娜決定首名或次名出線．
另一方面田卿/趙芸蕾首仗擊敗香港組合潘樂恩/謝影雪，第二場對日本前田美順/末綱聰子及第三場丹麥Christinna Pedersen / Kamila Rytter Juhl　都要小心應付．而香港組合潘樂恩/謝影雪已經連輸兩場（中國及丹麥）未能出線8強．．．

于洋/王曉理


田卿/趙芸蕾


混雙：
中國張楠/趙芸蕾表現出色，兩仗皆以兩局擊退德國及俄羅斯組合穩取出線席位，第三場對英國應該無有問題，首席出線8強信心十足！
中國2號種子徐晨/馬晉首仗輕鬆擊敗馬來西亞組合，今晚會應付泰國組合，希望旗開得勝爭取出線！

張楠/趙芸蕾


徐晨/馬晉


總括而言，暫時中國隊都未受威脅，皆能以兩局擊退對手，無需打第三局消耗體力！

水晶晶

呀吓 發表於 2012-7-30 11:48
經過兩日賽事，各單項形勢如下：

男單：

多謝呀吓分享羽毛球最新戰況

bullet

蔡贇/傅海峰加油~

CM3924

中國男女子羽毛球隊加油

香港隊唔好灰心, 展望將來

hei1987

中国队加油啊！

waiking

中國隊加油

lomei

呀吓 發表於 2012-7-30 11:48
經過兩日賽事，各單項形勢如下：

男單：

希望中國順風順水, 攞埋金牌喇

HKOXSEX

中國隊加油

ck集團主席

呀吓 發表於 2012-7-30 11:48
經過兩日賽事，各單項形勢如下：

男單：

中國隊如攞晒呢5金就正！中國隊加油！！！

呀吓

ck集團主席 發表於 2012-7-30 14:15
中國隊如攞晒呢5金就正！中國隊加油！！！

其實中國隊今屆最擔心既係男雙同混雙...

男雙風雲組合雖然呢年成績唔錯,但係事實上蔡贇年紀開始高,體力係一個問題,而傅海峰比較上心理狀況無蔡贇咁穩定, 有時會發波瘟做成好多不必要失誤. 佢地依家全靠經驗同技術去制勝,體力同心理狀況係最大隱憂.

混雙由於其他國家都有好強勁既對手,而張楠/趙芸蕾同徐晨/馬晉組合仍未有充足經驗可以傲視同群,優點係速度,力量,如果趙芸蕾同馬晉能夠係網前封網上網可以做就主動既話勝算就非常高了!

張家輝

呀吓 發表於 2012-7-30 14:44
其實中國隊今屆最擔心既係男雙同混雙...

男雙風雲組合雖然呢年成績唔錯,但係事實上蔡贇年紀開始高,體力 ...

就係有呢D因數, 運動比賽先會好睇同有意思~

完全自由

呀吓 發表於 2012-7-30 14:44
其實中國隊今屆最擔心既係男雙同混雙...

男雙風雲組合雖然呢年成績唔錯,但係事實上蔡贇年紀開始高,體力 ...

雖然咁講可能會有人唔高興, 但我一向都覺得如果某運動比賽來來去去都係某個國家嘅球員贏, 就會變得冇意思架喇 , 有競爭才會有進步嘛!

BTW我尋晚睇左 諶龍 vs 波薩 果場比賽, 波薩其實實力都好好, 但諶龍實在太強喇! 只要佢再改善下d網前波, 我絕對覺得佢將來有資格取代林丹一哥的地位!

呀吓

完全自由 發表於 2012-7-30 16:12
雖然咁講可能會有人唔高興, 但我一向都覺得如果某運動比賽來來去去都係某個國家嘅球員贏, 就會變得冇意思 ...

波薩那其實技術係好全面, 步法亦好,只欠爆炸力速度同力量,網前控球同拉吊突擊都好有威脅...

諶龍的確成熟左, 亦一早取代左陳金成為林丹接班人既目標
睇番林丹同諶龍對賽, 會發覺彼此矩離只欠臨場多元化變速攻擊既實戰經驗, 唔洗好耐諶龍必成男單主力!

而陳金就愈黎愈似當時既鮑春來咁.....

呀吓

完全自由 發表於 2012-7-30 16:12
雖然咁講可能會有人唔高興, 但我一向都覺得如果某運動比賽來來去去都係某個國家嘅球員贏, 就會變得冇意思 ...

其實男單球手我最欣賞既係 Peter Gade, 佢技術全面, 球路瀟灑, 步法輕巧, 打法多元化, 球品一流,雖然依家體力下降, 但打法變得更有彈性, 而佢咁享受比賽既心態係我最讚賞既!

可惜佢打埋今屆奧運就會掛拍了....
會好懷念佢既 trick shot.....

完全自由

回復 呀吓 #14 的帖子

>>> 陳金就愈黎愈似當時既鮑春來咁

其實好多運動員都有咁嘅情況, 進步到某個位就會停滯不前, 突破唔到; 在其他國家可能問題不大, 但中國隊實在太多人才喇, 一唔進步就會變成退步...

henry1328

中國羽毛球隊加油 ! 全勝爭取五面金牌 !

shotgun

重有港羽黑妹繼續努力呀